Ükımet basşysy Älihan Smaiylov sudaǧy qauıpsızdık şaralaryn küşeitudı tapsyrdy, dep habarlaidy «Adyrna» tılşısı.
«Jaz endı bastaldy, al elımızdıŋ su aidyndarynda qaza tapqandardyŋ sany ūlǧaiyp barady. Tötenşe jaǧdailar ministrlıgınıŋ mälımetı boiynşa jazdyŋ bırınşı künı ǧana 4 adam suǧa ketıp, mert boldy. Aldyŋgünı bır künde 9 adam, keşe taǧy 4 adam suǧa ketken. Qaiǧyly jaǧdailardyŋ barlyǧy şomyluǧa rūqsat etılmegen jerlerde oryn alǧan. Būl – şynymen de alaŋdatarlyq jaǧdai», — dedı Älihan Smaiylov.Ükımet basşysy respublikada jyl saiyn 300-ge juyq adam suǧa ketıp, qaitys bolatynyn, olardyŋ 100-ge juyǧy – balalar ekenın aitty.
«Būl qabyldanyp jatqan şaralardyŋ jetkılıksız ekenın körsetedı. Abai, Jetısu, Ūlytau oblystarynda osy uaqytqa deiın şomyluǧa rūqsat etılgen arnaiy oryndar belgılenbegen. Al Qyzylorda oblysynda bükıl öŋır halqy üşın arnaiy belgılengen 4-aq oryn bar. Almaty oblysynda Qapşaǧai su qoimasynyŋ maŋyndaǧy köptegen jeke menşık jaǧajailar resmi tırkelmegen», — dedı Premer-Ministr.Osyǧan bailanysty ol öŋır äkımdıkterıne Tötenşe jaǧdailar ministrlıgımen bırlesıp, suǧa şomyluǧa arnalǧan qauıpsız oryndardy belgıleu jönındegı jūmysty küşeitu, sondai-aq qauıpsızdık şaralary turaly halyqty belsendı türde habardar etıp otyrudy tapsyrdy. Ükımet basşysy profilaktikalyq jūmystar negızınen qalalar men audandarda ǧana jürgızıletının aityp öttı. Auyldyq jerlerde būǧan köŋıl bölınbeidı.
«Sol sebeptı suǧa batqandardyŋ basym köpşılıgı, iaǧni 60-70%-y auyl tūrǧyndary bolyp otyr. Osy baǧytta jergılıktı jerlerde keŋ auqymdy jūmystardy jürgızu qajet. Halyqtyŋ nazaryna sudaǧy qauıpsızdık talaptaryn, alǧaşqy kömek körsetu erejelerın, arnaiy jaǧajailar men qauıptı oryndar turaly aqparatty ünemı jetkızu qajet», — dedı Älihan Smaiylov.
Ūqsas jaŋalyqtar
