Dastan Tūrdaly - Almaty qalasy Oquşylar saraiynyŋ bılım aluşysy.
Almatyda tarihtaǧy tūŋǧyş Respublikalyq balalar şyǧarmaşylyq «Jas qanat. Balalar – 2023» baiqauy 1 mausymda Respublika saraiynda öttı. Osy baiqauda «Vokal» nominasiiasy boiynşa Almaty qalasy Oquşylar saraiynyŋ tärbielenuşısı Dastan Tūrdaly «Samal Tau» qazaq halyq änımen Gran-pri iegerı atandy. Endı ol şıldede «Medeu» mūz aidynynda ötetın «Aziia dauysy» halyqaralyq festivalınde Qazaqstannyŋ namysyn qorǧaidy.
Jüldelı oryndar tömendegıdei bölındı: 1-oryndy Türkıstan oblysynan Zere Jünısbai, 2-oryndy maŋǧystaulyq Ämina Asgatova jäne 3-oryndy Aqtöbe oblysynan Balym Nsanaly ielendı. Jeŋımpazdarǧa altyn, kümıs jäne qola qanattardan bölek, aldaǧy «Aziia dauysy» halyqaralyq festivalıne daiyndyq jūmystary üşın Almaty qalasynyŋ äkımı Erbolat Dosaevtyŋ aqşalai granttary tabys etıldı.
-Gran-pri alǧan kezde men qatty quandym jäne tolqyp kettım. Muzykaǧa alǧaşqy qadamymdy 3 jasymda bastaǧan edım, vokalǧa 5 jasymnan bastap bardym. Sodan berı köptegen respublikalyq jäne halyqaralyq baiqaularǧa qatystym. Osyndai jetıstıkterge jetuıme ata-anam, Oquşylar saraiynyŋ ūstazdary kömektestı. Bolaşaqta alǧan betımnen qaitpai, öz kumirım Dimaş aǧa siiaqty stadiondarda, ülken sahnalarda öner körsetudı armandaimyn,- deidı Dastan Tūrdaly.Baiqaudy ūiymdastyruşylardyŋ aituynşa, «Jas qanat. Balalar – 2023» aŋyzǧa ainalǧan «Jas qanat» baiqauynyŋ tarihyndaǧy jaŋa baǧyt bolmaq. Elımızdıŋ barlyq oblysynan kelgen 22 ümıtkerdıŋ önerın respublikalyq estrada şeberı Älıbek Dınışev, «Jas qanat» baiqauynyŋ bırınşı Gran-pri iegerı Medeu Arynbaev, Jäniia Äubäkırova, Baiǧali Serkebaev jäne basqa da belgılı mädeniet jäne öner qairatkerlerı baǧalady.
