Almatydaǧy “Arman Dala” balalar lagerıne qatysty QR Bala qūqyqtary jönındegı uäkıl mälımdeme jasady, dep habarlaidy “Adyrna”.
Qazaqstan Respublikasyndaǧy Bala qūqyqtary jönındegı uäkılı Dinara Zäkieva özınıŋ äleumettık jelıdegı paraqşasynda:
«Almaty maŋyndaǧy "Arman Dala" lagerıne qatysty. Keşe tüste bılım basqarmasynyŋ qyzmetkerlerı lagerge jolǧa şyqty. Ūiymmen jasalǧan kelısım-şart būzylatyn boldy. Lager iesıne tiıstı şaralar qabyldanady. Balalar öz üilerıne jetkızıldı, jaqyn arada olar basqa lagerlerge jıberıledı»,-dep jazdy.
Sonymen qatar ol Türkıstan oblysyndaǧy kei lagerlerdıŋ de jaǧdaiy köŋıl könşıterlık emestıgın atap, sol jaqta bolǧandyǧyn mälımdedı.
Elımızde 120 memlekettık, 98 jekemenşık, 900 şatyrly, 9,5 myŋ mektep janyndaǧy lager jūmys jasaidy eken. Zäkievanyŋ aituynşa olardyŋ üstınen tüser aryz ben şaǧym köp. Sol sebeptı de moratoriidy joiyp, bıryŋǧai jūmys talaptary men standarttardy engızu qolǧa alynǧan.
Uäkıl osyǧan säikes barlyq ūsynys pen talaptardy küzde Parlamentke joldaudy josparlap otyr.
Ūqsas jaŋalyqtar
