Jambyl oblysynda aýyz sýdyń sapasyn jaqsartýǵa bólingen qarjyny jymqyrǵan sheneýnikter sottaldy, dep habarlaıdy «Adyrna» tilshisi.
Qordaı aýdanynyń prokýratýrasy turǵyn úı-kommýnaldyq sharýashylyq bóliminiń eks-basshysynyń 6,5 mıllıon teńge urlaǵanyn anyqtady.
«Sarybastaý aýylynda turǵyn úı-kommýnaldyq sharýashylyq bóliminiń burynǵy basshysy «M.», «Qordaı sý» MKK dırektory «K.» jáne kásipker «E.» qujat boıynsha quny 12,3 mıllıon teńgeni quraıtyn sý munarasyn salýy tıis bolǵan. Alaıda nysandy egjeı-tegjeıli taldaý jáne vızýaldy qaraý sý munarasynyń shyn máninde salynbaǵanyn kórsetti.
Tergeý barysynda taraptar 6,5 mıllıon teńgeni ıemdenip, ózara bólisip, aýyl turǵyndaryn ózdiginen aǵyp jatqan sýdy paıdalanýyna qaldyrǵany belgili boldy»,—dep túsindirdi oblystyq prokýroratýra.
Atalǵan fakti boıynsha aýdan prokýratýrasy qylmystyq is qozǵady. Qordaı aýdandyq sotynyń úkimimen basqarmanyń burynǵy basshysy kináli dep tanylyp, 8 jylǵa bas bostandyǵynan aıyryldy. Kásipker 3 jyl 6 aıǵa bas bostandyǵynan aıyryldy.
Basqarma zańsyz ıgerilgen aqshanyń tolyǵymen memleketke qaıtarylǵanyn málimdedi. Úkim zańdy kúshine engen joq.
