Búgin memleket qaıratkeri, etnograf, tarıh ǵylymdarynyń kandıdaty - Ózbekáli Jánibekov dúnıege kelgen, dep habarlaıdy “Adyrna”.
1931 jyldyń 28 tamyzynda qazirgi Túrkistan oblysy, Otyrar aýdanyndaǵy Maıaqum aýylynda Ózbekáli Jánibekov dúnıege kelgen. Ata-anasynan erte aıyrylǵan Ózbekáli Jánibekov Almatydaǵy Abaı atyndaǵy Qazaq pedagogıkalyq ınstıtýtynyń tarıh fakýltetin 1952 jyly oıdaǵydaı támamdaıdy. Ult janashyry óz eńbek jolyn Ońtústik Qazaqstan oblysy, Keles aýdanynda mektep muǵalimi, oqý isiniń meńgerýshisi bolyp bastaǵan bolatyn. 1955–1962 jyldary Keles aýdanynyń komsomol komıtetiniń hatshysy, birinshi hatshysy, odan keıin Ońtústik Qazaqstan oblystyq komsomol komıtetiniń hatshysy, birinshi hatshysy qyzmetinde bolady.
Búginde qaıratker esimi ulyqtalyp keledi.
Arda azamat Ortalyq Komıtet komıssııasyn uıymdastyrýǵa muryndyq bolyp, Alash partııasy kósemderiniń esimderi men eńbekterin halyqqa qaıtarý jóninde atqarǵan isi tarıhtyń aqtańdaq betteriniń ashylýyna zor yqpal etken.
Eldiń joǵyn túgendegen ultjandy tulǵa
Ózbekáli Jánibekov Ortalyq komıtette sheteldermen baılanys bóliminiń meńgerýshisi qyzmetinde eldiń syrtqy baılanysynyń nyǵaıýyna uıytqy bola bilgen.
Ózbekáli Jánibekov jáne TAIQAZAN
Túrki jurtyna kıeli shańyraq sanalǵan— Qoja Ahmet Iasaýı kesenesi. Keseneni mýzeı etip qurý barysynda Taıqazandy elge qaıtaryp, qaıta ornyna qoıýda belgili qoǵam qaıratkeri, tarıhshy-etnograf ǵalym Ózbákáli Jánibekovtiń sińirgen eńbegi erekshe.
Mádenıet mınıstri bolǵan Ózbekáli Jánibekov 1998 jyldyń aqpannyń 22-si kúni qaıtys boldy.
