Lager jyry. Mäjılıs deputaty Däulet Mūqaevtyŋ joldaǧan saualyna Ükımet oŋ jauap berdı

2138
Adyrna.kz Telegram
https://adyrna.kz/content/uploads/2023/09/d54cf120-012e-42a0-baa0-e5b0efeed27b.jpeg
Endı "lager" atauy "sauyqtyru ortalyqtary" atauymen auystyrylatyn bolady. Odan bölek balalardyŋ sauyqtyru jūmystaryn ūiymdastyru boiynşa bıryŋǧai talaptar men erejeler bekıtılmek, dep habarlaidy "Adyrna" tılşısı. Är jaz saiyn jazǧy sauyqtyru lagerıne attanatyn balalar köp. Alaida  keibır lagerlerdıŋ kelbetı jaǧa ūstatarlyq jaǧdaida bolǧanyn äleumettık jelıde jeldei esken bırneşe beinejazbadan aŋǧaruǧa bolady. Balalardyŋ demaluyna arnalǧan lagerler köpşılıktıŋ nazarynan tys qalǧany jasyryn emes. Biyl respublika kölemınde qala syrtynda 218 jäne mektep janynda 10.000-nan asa lager öz jūmysyn bastady dep habarlanǧan edı. Alaida naqty baqylau bolmaǧandyqtan būl tek qaǧaz betıne engenı bolyp şyqty. Osy tūsta deputat Däulet Mūqaev balalar lagerı tek paida tabudyŋ közıne ainalǧanyn atap ötken edı. Mäjılıs deputaty balalardyŋ jazǧy bos uaqytyn ūiymdastyrudyŋ bıryŋǧai qaǧidalaryn engızıp, bekıtu turaly Ükımet basşysy Älihan Smaiylovqa, Oqu-aǧartu ministrı Ǧani Beisembaevqa bırneşe ai būryn deputattyq saual joldaǧan bolatyn: "Bırınşıden, jazǧy uaqyttarda balalardyŋ sauyqtaru jūmysytaryn ūiymdastyru boiynşa bıryŋǧai talaptar men erejelerdı bekıtu kerek. Lager ūiymdastyruşylar mındettı türde memlekettık mekeme tarapynan lager mazmūny men materialdyq-tehnikalyq bazalaryna säikes tekseruden ötıp, lisenziialanuy kerek. Mümkındk bolsa barlyq lagerler ortalyqtandyrylǧan bıryŋǧai saitta bolǧany abzal". Bügınde lager jyryn qozǧaǧan Däulet Mūqaevtyŋ deputattyq saualyna Premer-ministr oŋ jauap berdı. Deputattarǧa joldanǧan jauap hatta balalardyŋ sauyqtyru ortalyqtary qyzmetın lisenziialau, demalys oryndarynlaǧy oqytu kurstaryn ūiymdastyru jūmystary jäne lager atyn almastyru mäselesıne qatysty bırqatar özgerısterdı engızu turaly şeşım qabyldanǧany körsetılgen. "Jalpy, jazǧy demalysty ūiymdastyru mäselelerı Premer-Ministrdıŋ orynbasary - Eŋbek jäne halyqty äleumettık qorǧau ministrı T.B. Düisenovanyŋ 2023 jylǧy 28 şıldedegı otyrysynda qaraldy. Müddelı ortalyq jäne jergılıktı atqaruşy organdarǧa tiıstı tapsyrmalar berıldı. Jazǧy uaqytta balalardy sapaly ärı mazmūndy demalyspen, sauyqtyrumen qamtu jäne balalardyŋ qauıpsızdıgın qamtamasyz etu Ükımettıŋ erekşe baqylauynda.", - dep körsetılgen Ükımet basşysynyŋ atynan joldanǧan resmi hatta. Hat
Pıkırler