Reseıdiń BUU-daǵy turaqty ókili Vasılıı Nebenzıa 20 qyrkúıek kúni BUU Qaýipsizdik Keńesiniń Ýkraına boıynsha otyrysyn "spektaklden kem emes" dep aıyptady. Turaqty ókil Ýkraına prezıdenti Vladımır Zelenskııdiń otyrysta birinshi bolyp sóz sóılegenine narazy bolǵan, dep habarlaıdy "Adyrna" ulttyq portaly.
Ýkraına basshysynyń birinshi bolyp sóz alǵanyna keıis tanytqan Reseı ókiline Albanııanyń Qaýipsizdik Keńesiniń tóraǵasy Edı Rama jaýap berdi. OL sóz sóıleý tártibi aldyn ala kelisilgenin aıtyp, budan buryn eshkimniń qarsylyq tanytpaǵanyn habarlady.
"Ýkraına prezıdenti Vladımır Zelenskııge keńes músheleri sóz sóılegenge deıin otyrysty bastaýǵa qalaı, nege súıenip ruqsat berdińizder? Osyndaǵylardyń kóbi - memleket jáne úkimet basshylary deńgeıinde usynylǵan ókilder. Albanııa óz tóraǵalyǵy kezinde BUU Qaýipsizdik Keńesiniń is-sharalaryna ashyq nemquraılylyq tanytyp, jalpyulttyq saıası, ıdeologııalyq kózqarastardy Qaýipsizdik Keńesi tóraǵasynyń mindetterinen joǵary qoıatynyna ókinemiz", — dedi Reseı Federaııasynyń turaqty ókili.
Reseı tarapynyń ýájine Albanııa ókilderi qaǵytpa qaljyń, ashyq kekesinmen jaýap bergeni baıqalady:
"Men reseılik áriptesterimizdi jáne barlyq qatysýshylardyń nazaryn aýdara otyryp, Albanııa tóraǵalyǵynyń arnaıy operaııasy emes, keńestiń burynnan qalyptasqan tájirıbesiniń jalǵasy ekendigine sendirgim keledi. Sondyqtan búgingi sóz sóıleý tártibi Keńestiń jumys tártibine tolyq sáıkes keledi dep aıta alamyn. Degenmen sizdiń ýájińizdi de eskerýdiń bir joly bar. Jol - ciz soǵysty toqtatyńyz, sonda prezıdent Zelenskıı sóz sóılemeıdi", - dedi Albanııa Qaýipsizdik Keńesiniń tóraǵasy Edı Rama.
Esterińizge sala keteıik, Ýkraına prezıdenti BUU Bas assambleıasynyń aldynda sóz sóılep, "Reseıdi ıadrolyq qarýsyzdandyrý" áreketin bastaýǵa shaqyrdy. Sonymen qatar, Ýkraına usynǵan "Beıbitshilik formýlasy"boıynsha ótetin sammıtti eske salyp, barlyq memleketterdi atsalysýǵa shaqyrdy.
"Adyrna" ulttyq portaly
