Qazaqstan boks quramasynyń bas bapkeri Myrzaǵalı Aıtjanov Azıada jartylaı fınalynda jeńilgen Asylanbek Shymbergenovtiń jekpe-jegine qatysty pikir bildirdi, dep habarlaıdy «Adyrna» ulttyq portaly.
Halyq úniniń málimetine sáıkes, bas jattyqtyrýshy boksshyǵa jeńisti bermegenine kúıingen.
«Shaǵym alynbaıdy. Jaqsy daıyndalyp shyqty. Álem chempıony ol da, ony da óltirip tastaı almaıdy ǵoı. Biraq úsh raýnd boıy jaqsy jekpe-jek ótkizdi. Jeńisti bermedi. Amal joq», - dedi bas bapker.
Aıta keteıik, 71 keli salmaq dárejesinde synǵa túsken Aslanbek Shymbergenov búgin tóreshilerdiń sheshimi boıynsha 2:3 esebimen japon boksshysy Sevon Okadzavadan jeńilip qaldy.
Eske salaıyq, búgin taǵy bir qazaqstandyq boksshy Qamshybek Qońqabaev Astana ýaqytymen saǵat 19:00-de judyryqtasady.
«Adyrna» ulttyq portaly
