Túrkistan avtonomııasyn qurǵan saıası qaıratker Mustafa Shoqaıdyń týǵan jeri Narshoqyǵa eskertkish-belgi tas qoıyldy, dep habarlaıdy "Adyrna" tilshisi.
Bul týraly aqyn, jazýshy Qasymhan Begmanov Facebook jelisinde jarııalady.
Aqynnyń sózinshe, qazaq memlekettik, saıası jáne qoǵam qaıratkeri Mustafa Shoqaıdyń kindik qany tamǵan ólkesi Narshoqyǵa eskertkishti urpaqtary men kásipkerler qoıǵan.
"Osyndaı ıgilikti isti uıymdastyryp, uly babasynyń ómiri men atqarǵan qyzmetin elge jetkizýde "shyryldap" eńbek etip, ǵalymdar men shoqaıtanýshylarǵa qamqor bolyp júrgen Mustafa Shoqaıdyń urpaǵy Gúlbarshyn Zaırova qaryndasym men Mustafa Shoqaıdyń kúıeýbalasy - ult janashyry, kásipker Aıbatyr Nyshanbaıuly Jumaǵulovqa ózimniń aǵalyq alǵysymdy aıtamyn,-dep jazdy Qasymhan Begmanov.
Qazirgi Shıeli aýdany Narshoqy aýdanyna Mustafa Shoqaıǵa arnap belgi-tas qoıylýyna oraı qarasha aıynyń 15-i kúni Qyzylordada enıklopedııanyń tusaýkeseri ótpek.
Qýanyshty habarmen bólisken jazýshy:
"Búkil túrki memleketteriniń prezıdentteri Astanaǵa jınalyp jatqan kúni Mustafa Shoqaıdaı ǵazızimizdiń kindik qany tamǵan qasıetti Narshoqyǵa Belgi-tas qoıylýy kezdeısoqtyq dep oılamaımyn. Mustafa Shoqaıdyń urpaǵy Gúlbarshyn Zaırova men kúıeý balasy Aıbatyr Jumaǵulov osy tarıhı mıssııany abyroımen atqaryp shyqty. Barsha qazaqqa, búkil túrkidúnıesine qutty bolsyn!"-dep jazdy Qasymhan Begmanov.
Mustafa Shoqaı – emıgraııadaǵy kórnekti qoǵam jáne memleket qaıratkeri ári Túrkistan avtonomııasyn qurýshy.
Mustafa Shoqaı ulttyq avtonomııalardyń basshylarymen saıası keńes ótkizip, "Na rýbeje" gazetin shyǵarýǵa atsalysty. Qoǵam qaıratkeri qýǵynǵa ushyrap, Franııada ómir súrgen.
