Almatyda eŋ ırı investisiialyq joba salynuda

Būl turaly Almaty qalasynyŋ äkımı Erbolat Dosaevtyŋ Türkısıb audanynyŋ tūrǧyndarymen kezdesu barysynda belgılı boldy, dep jazdy «Adyrna» tılşısı. Almatydaǧy eŋ ırı qoimanyŋ bazasynda avtokölıkke tehnikalyq qyzmet körsetu salasyndaǧy mamandar daiarlau üşın oqu ortalyǧy aşylady Almaty äkımı Erbolat Dosaev jūmys sapary barysynda D. Qonaev atyndaǧy öndırıstık kooperativ aumaǧyndaǧy alaŋy 30 ga «A» klasyndaǧy zamanaui qoima qūrylysynyŋ barysymen tanysty. Jaŋa nysan ırı jükterdı uaqytşa saqtauǧa arnalǧan jäne 20 myŋ şarşy metr qoimasy bar keşen bolyp tabylady. Qazır salynyp jatqan uaqytşa saqtau qoimasy – megapolistegı eŋ ırı investisiialyq joba. Onyŋ erekşelıgı, Euro standartqa sai barynşa jaraqtandyryluynda: uaqytşa saqtau qoimasynda avtomatty ört söndıru jüiesın engızıledı, avtonomdy jylytu jäne kondisioner, sonymen qatar, elektr quatynyŋ balamaly közı retınde kün batareialarymen qamtamasyz etıledı. Nysannyŋ barlyq aumaǧynda zamanaui jaryqtandyru aspaptary ornatylyp, jeŋıl jäne jük kölıgıne arnalǧan alaŋdar közdelgen. Türksıb audanynyŋ äkımı Baqytjan Aqjarov qala basşysyna 2022 jyldyŋ nauryz aiynda bastalǧan qoimanyŋ qūrylysy aiaqtalǧanyn baiandady. Jūmys 98%-ǧa bıtıp, şatyr montajdalyp, ǧimarat seismikalyq küşeitıldı, ışkı ärleu, injenerlık jelılerdı jürgızılıp, asfalt töseu arqyly aumaq abattandyryldy. Nysandy biyl jeltoqsan aiynda tolyq kölemde aiaqtalady. Jobanyŋ bırınşı kezeŋıne 7 mlrd teŋge investisiia salynǧan. Qazırgı uaqytta Almatyda «A» klasty qoimalar 99,2% jüktelgen. Jaŋa uaqytşa saqtau qoimasynyŋ jüktemenı qaita böluge jäne logistikalyq qarym-qatynastardy qaita qūruǧa mümkındık beredı. Bügınde qoima investorlary «Komatsu» qūrylys tehnikasynyŋ älemdık öndıruşısı, sport tauarlarynyŋ ırı satuşysy «Sportmaster» men «Toiota motors» jäne uaqytşa saqtau qoimasynyŋ bazasynda ornalasqan oqu ortalyǧy syndy belgılı brendtermen kelısımge otyrdy. Osylaişa, qoima aumaǧynda Qazaqstannyŋ barlyq öŋırındegı servis ortalyqtardyŋ şeberlerı oqytylady. Būl mamandarǧa eşqaida barmai-aq bılıktılıgın arttyruǧa mümkındık beredı. Būryn mūndai mümkındık tek Sankt-Peterburgte bolatyn. 2024 jyly uaqytşa saqtau qoimasynyŋ jobasyn keŋeitu josparlanǧan – audany 25 myŋ şarşy metr ekınşı qoima salynady. İnvestisiia kölemı de 7 mlrd teŋge. Erbolat Dosaev audan äkımıne nysandar qūrylysynyŋ barysy men sapasyn, sonymen qatar, barlyq qajettı standart pen ört qauıpsızdıgı talaptaryna säikestıgın baqylaudy tapsyrdy. Qala basşysy būl öndırıstık qoima qalanyŋ qoimalyq jyljymaityn mülıktı damytu naryǧyndaǧy bıregei alaŋǧa ainalatynyn atap öttı. Oqu ortalyǧy öz kezegınde avtokölıkterge tehnikalyq qyzmet körsetu salasynda joǧary bılıktı kadrlardy tärbieleuge mümkındık beredı. Jobany jüzege asyru 70 jūmys ornyn qamtamasyz etuge, qala biudjetıne tüsetın salyq tüsımderınıŋ kölemın arttyruǧa jol aşady.