Kınorejısser, kınodramatýrg, Kazaqstannń halyq ártisi Talǵat Temenov eldegi saıası jaıttarǵa baǵa berip, Qańtar oqıǵasyna qatysty oıyn jetkizdi, dep jazady "Adyrna" ulttyq portaly. Bul týraly ol "Adal Adam" YouTube arnasyna bergen suhbatynda aıtty.
Talǵat Temenov Qańtar oqıǵasyn qoldan istelgen dúnıe dep atap, aqylǵa syımaıtyn fashızm áreketteri jasaldy dep sıpattady:
"Toqaev halyqqa sendi, halyq Toqaevqa sendi. Toqaevtyń atyn jamylǵan qanisherler prezıdentti qaralap adamnyń aqylyna syımaıtyn fashızmge deıin bardy. Bul - memlekettik tóńkeris. Ony uıymdastyrǵandar Oljas Súleımenov aıtpaqshy, Nazarbaevtyń qasyndaǵy jandaıshaptary" dedi ol.
Sonymen qatar ol Nazarbaevtyń 30 jyldyq bıligindegi aıtylǵan sózderin synady.
"30 jyl boıy tozaqqa tústik. Damyǵan 30 eldiń qataryna kiremiz degen sózder, kósheniń tilimen aıtqanda qulaqtan tepken ıdeologııa boldy" dedi ol.
"Adamnyń bolmysynda ǵylym men bilim bolmaǵan jerde kómekke din keledi. Resmı emes, ózge din aǵymdary keledi. Bizdiń qazaqtyń sory basqa aǵymdar ma dep qorqamyn" dedi Talǵat myrza din máselesindegi aktýaldy dúnıelerdi qozǵaı ketip.
