Búgin - qazaqtyń birtýar uly Baýyrjan Momyshulynyń týǵan kúni, dep habarlaıdy "Adyrna" tilshisi.
Dańqty qolbasshy 113 jyl buryn qazirgi Jambyl oblysynda týǵan.
Batyrdyń Uly Otan soǵysyndaǵy erligi men ósıet sózderi umyt bolmastan, áli kúnge deıin óskeleń urpaqqa aıtylyp keledi.
Baýyrjan Momyshuly óziniń jyldamdyǵy men alǵyrlyǵynyń arqasynda "Shańtımes" degen laqap atqa ıe bolǵan.
Halyq janashyry, Keńes odaǵynyń batyry, qolbasshy, kórnekti jazýshy bola bilgen Baýyrjan Momyshuly áskerde talaı adamdy óz ónerimen tánti etken. At qulaǵynda oınap, qylyshpen oıyn kórsetýde asqan eptilik tanytyp, Býdennyıdyń da kózine túsken. Batyrdyń beınesi men bolmysy Ázilhan Nurshaıyqovtyń 1976 jyly jazylǵan týyndysy "Aqıqat pen ańyzda" beınelengen.
Momyshuly Uly Otan soǵysyna general-maıor Panfılov basqarǵan áıgili dıvızııanyń quramynda 1941 jyldan bastap bolǵan. Ol Máskeý úshin shaıqasta 207 ret urysqa kirdi.
Talaı adamnyń ómirin qıǵan soǵysta dıvızııa basqarǵan eki qazaqtyń biri – Baýyrjan Momyshuly. Al ekinshi qolbasshy – Ábilqaıyr Baımoldın.
Sondaı-aq, soǵystan keıingi jyldary Momyshuly tolyǵymen shyǵarmashylyqqa bet burǵan. Ol óz ómirindegi kórgen bilgenderine súıene kitap jazyp, «Qanmen jazylǵan kitap», «Ushqan uıa», «Moskva úshin shaıqas» dep atalatyn týyndylary jaryq kórgen. Qolbasshy eńbekterin qazaq jáne orys tilderinde jaryqqa shyǵarǵan.
