QR Prezidentınıŋ keŋesşısı, Baspasöz hatşysy Berık Uäli bır jyldyŋ ışınde Prezident Qasym-Jomart Toqaevtyŋ atqarǧan jūmystaryn baiandady, dep habarlaidy "Adyrna" tılşısı QazAqparatqa sıltep.
Prezidenttıŋ keŋesşısı 2023 jyl elımızde qandai maŋyzdy şeşımder qabyldanyp, nendei özgerıster bolǧanyna toqtaldy.
Berık Uäli sūhbat barysynda "Ädılettı Qazaqstandy" qūru qalai jüzege asyp jatqandyǧyna toqtaldy.
"Ädılettı Qazaqstandy qūru jolynda maŋyzdy saiasi-ekonomikalyq reformalar jüzege asyrylyp jatyr. Osy oraida biyl Memleket basşysy qoǧamda Zaŋ men Tärtıp üstemdıgın ornatuǧa, ädıldıkke negızdelgen jaŋa ekonomikalyq ülgıge köşuge, halyqtyŋ tūrmys sapasyn jaqsartuǧa, bäsekege qabılettı el boluǧa, sapaly ūlt qalyptastyruǧa baǧyttalǧan köptegen bastama köterdı", - deidı Berık Uäli.Biyl memleket basşysy jalpy bırneşe zaŋ qabyldap, bırqatar özgerıster jasaǧan.
"Qasym-Jomart Kemelūlynyŋ tapsyrmasymen bırqatar maŋyzdy zaŋdar äzırlenıp, küşıne endı. Memleket basşysy biyl jalpy 98 zaŋǧa, 344 Jarlyqqa, 91 Ökımge qol qoidy. Bır qyzyq faktımen bölıse keteiın. Prezident jyldyŋ alǧaşqy künı de jūmysqa şyǧyp, «Aglomerasiialardy damytu turaly» Zaŋǧa qol qoiǧan eken. Astana, Almaty, Şymkent, Aqtöbe siiaqty halqynyŋ sany 500 myŋnan asatyn şaharlardyŋ ainalasyndaǧy eldı mekenderdı damytu üşın būl zaŋnyŋ män-maŋyzy zor. Būdan bölek, «Ūlttyq qor – balalarǧa» bastamasyn ıske asyratyn tiıstı Zaŋǧa qol qoidy. Kelesı jyldan bastap Ūlttyq qordyŋ jyl saiynǧy investisiialyq kırısınıŋ 50 paiyzy elımızdıŋ kämeletke tolmaǧan azamattarynyŋ bärıne teŋdei bölınetın boldy", - deidı QR Pezidentınıŋ Baspasöz hatşysy.Biyl ükımette de aitarlyqtai özgerıster oryn aldy. Tört jaŋa ministrlık qūryldy: Su resurstary jäne irrigasiia ministrlıgı, Önerkäsıp jäne qūrylys ministrlıgı, Kölık ministrlıgı, Mädeniet jäne aqparat ministrlıgı, Turizm jäne sport ministrlıgı. Jergılıktı basqaru jüiesınde de bırşama auys-tüiıs bolyp, jaŋa qyzmetke bırqatar kadrlar taǧaiyndaldy. Osy tūsta aimaqtardyŋ ahualy da Prezident nazarynan tys qalmaǧan. Jyl soŋyna deiın Toqaev 14 öŋırge jūmys saparymen baryp, jergılıktı tūrǧyndardyŋ tūrmysymen tanysqan.
"El ışındegı şynaiy ahualmen jaqsy tanys. Onyŋ üstıne, Prezident Äkımşılıgınıŋ qūrylymdyq bölımşelerı kündelıktı qajettı aqparatty jetkızıp otyrady. Memleket basşysynyŋ özı de äleumettık jelılerdı, būqaralyq aqparat qūraldaryn şolyp, tiıstı tapsyrmalar beredı", - dedı Berık Uäli.Elımızde biyl apat ta az bolǧan joq. Abai oblysyndaǧy orman örtı, 46 adamnyŋ ömırın jalmaǧan Qaraǧandy oblysyndaǧy jarylys, Ekıbastūz, Rudnyi, Ridder, Aqtau syndy qalalardaǧy jylu mäselesı de jinalyp qalǧan. Prezident apattan zardap şekkender men marqūm bolǧandardyŋ tuystaryna kömek körsettı. 2023 jyly halyqty dür sılkındırgen oqiǧalar köp boldy. Türkıstanda zorlyqpen öltırılgen 5 jasar büldırşınnıŋ ölımı, qoǧamdyq rezonans tudyrǧan Saltanat Nükenovanyŋ aiausyz ölımı bar. Berık Uälidıŋ sözınşe, Prezident Işkı ıster ministrı Erjan Sädenovke, Bas prokuror Berık Asylovqa, Joǧarǧy Sot töraǧasy Aslambek Merǧalievke äielder men balalarǧa qatysty zorlyq-zombylyq faktılerınıŋ aldyn alu kerek ekenın qataŋ eskertken. Istıŋ jeke baqylauda bolatynyn da aitty. Bügınde Memleket basşysynyŋ qyzmetın baqylau jeŋıldedı. Qasym-Jomart Toqaevtyŋ äleumettık jelıdegı paraqşalarynda köptegen aqparattar, Joldaular men ündeuler jariialanady.
"Aqorda telegram-arnasy turaly aitar bolsaq, zaman talaby men qazırgı auditoriianyŋ äleumettık jelıge jappai bet būruyn eskere otyryp, osyndai arna aşu jönınde 2022 jyldyŋ 1 nauryz künı şeşım qabyldaǧan edık. Sodan berı Aqorda telegram-arnasynda 13931, sonyŋ ışınde biyl 8022 aqparat jariialandy. Telegram arnaǧa 44 428 oqyrman jazylǧan. Memleket basşysynyŋ H (Twitter) äleumettık jelısındegı paraqşasy 2011 jyldan berı belsendı jūmys ıstep keledı. Bügınde Prezidenttıŋ H paraqşasynda 391 786 oqyrman bar. Al Instagram paraqşasyna 2,6 million jazyluşy tırkelgen. Prezident H (Twitter) paraqşasy arqyly elımızdegı qoǧamdyq, äleumettık-ekonomikalyq, saiasi mäselelerge nemese oqiǧalarǧa qatysty jedel ün qatady. Uaqyt ünemdeu tūrǧysynan mūndai jūmys stilı tiımdı. Jalpy, Qasym-Jomart Kemelūly elımızdegı özektı mäselelerge, qoǧamda bolyp jatqan türlı oqiǧalarǧa qatysty biyl 56 tvit jariialady. Al instagramda 63 jazba jaryq kördı", - dedı Berık Uäli.Bır jylda bırneşe elge ıs-saparmen baryp, 243 saǧat 46 minutyn ūşaqta jäne tıkūşaqta ötkızgen Prezidenttıŋ jaŋa jyldy Qazaqstanda, öz üiınde, äuletımen bırge qarsy alatyny aityldy.
Ūqsas jaŋalyqtar
