Ózbekstan bıligi Qazaqstannan jetkizilgen elektr jabdyqtaryn qaıta tekserýge sheshim qabyldaǵany belgili boldy, dep habarlaıdy "Adyrna" tilshisi Ferǵanaǵa siltep.
Ózbekstan bıligi 2021-2022 jyldary Qazaqstannan ákelinetin elektr jabdyqtarynyń shyǵý tegi sertıfıkattaryn qaıta tekserýge sheshim qabyldapty. Sebebi bılik bul taýarlardy «kúdikti» dep sanaýda. Bul týraly Ózbekstan premer-mınıstriniń orynbasary Jámshıd Hodjaev basqaratyn úkimettik komıssııanyń hattamasynda kórsetilgen.
Ózbekstan bıligi qoldanysta qazaqstandyq tehnıkanyń artqanyn aıtyp, dabyl qaqqan. Úkimet kórshiles memleketke Qazaqstannan jetkiziletin turmystyq tehnıkanyń Qytaıda shyǵarylǵan bolýy múmkin ekenin aıtady. Al taýarlardy TMD elderi sheńberinde Ózbekstan naryǵyna bajsyz jetkizý úshin tek mınımaldy oqshaýlaýdy júzege asyrýda dep sanaıdy.
Ózbekstannyń Investıııalar, ındýstrııa jáne saýda mınıstrligi, «Ózbekekspertıza» kompanııasy jáne Keden komıteti Qazaqstannan jetkizilgen elektr jabdyqtarynyń shyǵý sertıfıkattaryn qaıta tekseretin bolady.
Ótken jyly Ózbekstan basshysy Shavkat Mırzıeev sońǵy bes jylda elektr ónerkásibinde jalpy quny 640 mıllıon dollar bolatyn 224 joba iske qosylǵanyn habarlady. Degenmen de prezıdent turmystyq tehnıkanyń ımporty jylyna 800 mıllıon dollardy quraǵanyn da atap ótti.
