Özbekstan bilıgı Qazaqstannan jetkızılgen elektr jabdyqtaryn qaita tekseruge şeşım qabyldaǧany belgılı boldy, dep habarlaidy "Adyrna" tılşısı Ferǧanaǧa sıltep.
Özbekstan bilıgı 2021-2022 jyldary Qazaqstannan äkelınetın elektr jabdyqtarynyŋ şyǧu tegı sertifikattaryn qaita tekseruge şeşım qabyldapty. Sebebı bilık būl tauarlardy «küdıktı» dep sanauda. Būl turaly Özbekstan premer-ministrınıŋ orynbasary Jämşid Hodjaev basqaratyn ükımettık komissiianyŋ hattamasynda körsetılgen.
Özbekstan bilıgı qoldanysta qazaqstandyq tehnikanyŋ artqanyn aityp, dabyl qaqqan. Ükımet körşıles memleketke Qazaqstannan jetkızıletın tūrmystyq tehnikanyŋ Qytaida şyǧarylǧan boluy mümkın ekenın aitady. Al tauarlardy TMD elderı şeŋberınde Özbekstan naryǧyna bajsyz jetkızu üşın tek minimaldy oqşaulaudy jüzege asyruda dep sanaidy.
Özbekstannyŋ İnvestisiialar, industriia jäne sauda ministrlıgı, «Özbekekspertiza» kompaniiasy jäne Keden komitetı Qazaqstannan jetkızılgen elektr jabdyqtarynyŋ şyǧu sertifikattaryn qaita tekseretın bolady.
Ötken jyly Özbekstan basşysy Şavkat Mirzieev soŋǧy bes jylda elektr önerkäsıbınde jalpy qūny 640 million dollar bolatyn 224 joba ıske qosylǧanyn habarlady. Degenmen de prezident tūrmystyq tehnikanyŋ importy jylyna 800 million dollardy qūraǧanyn da atap öttı.
Ūqsas jaŋalyqtar
