5-şı Düniejüzılık köşpendıler oiyndary qarsaŋynda Qazaqstan Respublikasynyŋ Ūlttyq sport qauymdastyǧy jäne Qazaqstan Jazuşylar Odaǧy bırlese otyryp qalamgerler arasynda «Qūlager» respublikalyq ädebi baiqauyn jariialady.
Baiqaudyŋ negızgı maqsaty – ūlttyq sportty nasihattau jäne qalamgerlerge qoldau körsetu, olardy ūlttyq sport türlerı turaly jaŋa tuyndylardy jazuǧa yntalandyru.
Osyǧan orai Almatydaǧy Qazaqstan Jazuşylar odaǧynda ötken jiynda ädebi baiqau resmi türde jariialandy. Kezdesuge Qazaqstan Jazuşylar odaǧy basqarmasynyŋ töraǧasy Mereke Qūlkenov, Ūlttyq sport Qauymdastyǧynyŋ prezidentı İslambek Saljanov, sondai-aq Asanälı Äşımov, Dulat İsabekov, Smaǧūl Elubai, Beksūltan Nūrjekeev, Qanaz Moldahmetsyndy ziialy qauym ökılderı men qoǧam qairatkerlerı qatysty. Sonymen qatar, bükıl älemdı taŋqaldyryp jürgen, qazaqtan şyqqan halyqaralyq därejedegı tūŋǧyş şabandoz Bauyrjan Myrzabaev şaranyŋ qūrmettı qonaǧy boldy.
Qazaqstan Jazuşylar odaǧy basqarma töraǧasy Mereke Qūlkenov körkem ädebiette ūlttyq müddege sai keletın tuyndylardyŋ ülesın arttyru qajet ekenın atap öttı.
«Önerdıŋ ışındegı eŋ bır qasterlısı – körkem ädebiet. Sondyqtan şyǧarmaşylyq ziialy qauym, jazuşy qauym ökılderı üşın «Qūlager» ädebi baiqauynyŋ maŋyzy zor. Öskeleŋ ūrpaqtyŋ kıtap oquǧa degen qyzyǧuşylyǧyn oiatuǧa bar küş-jıgerımızdı salamyz», - dedı Mereke Qūlkenov.
Ūlttyq sport qauymdastyǧynyŋ prezidentı İslambek Saljanov respublikalyq ädebi baiqaudyŋ maŋyzyna toqtaldy.
«Memleket basşysy Qasym-Jomart Kemelūly Toqaev ūlttyq ideologiia men jaŋa qoǧamdyq etikany qalyptastyruǧa bas nazar audarǧany belgılı. Būl rette biyl ötetın 5-şı Düniejüzılık köşpendıler oiyndary qarsaŋynda qalamgerler arasynda «Qūlager» respublikalyq baiqauynyŋ jariialanuy quanyşty jaŋalyq. Ärine, baiqau atauy kezdeisoq taŋdalmaǧany belgılı. Öitkenı Iliias Jansügırovtıŋ «Qūlagerı» – eşqaşan eskırmeitın, mäŋgı jas poeziia.
Sonymen qatar, Ūlttyq sport qauymdastyǧynyŋ prezidentı «Qazaq ädebietı» gazetı ūjymyn basylymnyŋ 90 jyldyq mereitoiymen qūttyqtady.
Aita keteiık, baiqauǧa ötınım qabyldau 2024 jylǧy 22 qaŋtar men 22 mausym aralyǧynda ötedı.
Baiqauǧa qatysatyn jūmystar ūlttyq sport türlerıne arnaluy şart. Konkurstyq şyǧarmalar Ūlttyq sport qauymdastyǧy qūramyna resmi türde kıretın «Teŋge Ilu», «Bäige», «Jamby atu», «Audaryspaq», «Kökpar», «Toǧyzqūmalaq», «Qūsbegılık», «Sadaq atu», «Asyq atu», «Joryq» sport türlerın basty taqyryp etuı kerek. Sonymen qatar, qatysuşylardyŋ jasyna şekteu qoiylmaidy.
Baiqauda mynadai nominasiialar bolady:
1. Üzdık poeziia
2. Üzdık proza
3. Balalarǧa arnalǧan üzdık şyǧarma
4. Üzdık komiks
5. Üzdık drama
6. Üzdık derektı proza
7. Üzdık fantastikalyq/mifologiialyq şyǧarma
Baiqauǧa būryn eş jerde jariialanbaǧan, tek qana osy jylǧy qaŋtar men mausym aralyǧynda jazylǧan jaŋa şyǧarmalar qabyldanady.
Är nominasiia boiynşa üzdık dep tanylǧan tuyndynyŋ avtory jeŋımpaz atanyp, oǧan «Qūlager» baiqauynyŋ avtorlyq müsınşesı jäne Ūlttyq sport qauymdastyǧy 2 000 000 (ekı million) teŋge kölemınde qarjylai syiaqy berıledı.
Jeŋımpazdar qazylar alqasynyŋ şeşımımen anyqtalyp, tamyz aiynda marapattalady.
Baiqauǧa qatysuǧa ötınım beru üşın http://qulager.ultsport.kz/ saitynda saualnamany toltyryp, şyǧarmany jükteu qajet. Tolyq aqparatty qulagerultsport@gmail.com elektrondyq poştasy arqyly ūiymdastyru komitetınen nemese körsetılgen bailanys telefondary arqyly bıluge bolady: +7 700 098 2025 (Jūldyz Orazymbet), +7 701 516 5584 (Hadişa Erseitova).
