2024 jyly 3 aqpanda Soltústik Qazaqstan oblysy polıııa departamentiniń qyzmetkerleri “Tıolaın" kompanııasy teń ıeleriniń biri Vıktor Dolgalev jer qoınaýyn ruqsatsyz paıdalanǵany úshin ustady, dep habarlaıdy “Adyrna” ulttyq portaly.
Qazirgi ol ýaqytsha ustaý ızolıatoryna qamaldy. Qylmystyq isti odan ári tergep-tekserýge oblys boıynsha qarjylyq monıtorıng agenttigine berildi.
Budan basqa, V.Dolgalevke qatysty asa iri kólemde kiris alý arqyly zańsyz kásipkerlikpen aınalysqany úshin tergeý júrgizilip jatyr.
"Tergeý málimetteri boıynsha, 2021 jyldyń naýryz aıynda Indýstrııa jáne ınfraqurylymdyq damý mınıstrligi kompanııanyń 38 mlrd teńgege qarjylyq jáne ınvestıııalyq mindettemelerin oryndamaýyna baılanysty "Obýhovskoe" ken ornynda jer qoınaýyn paıdalaný boıynsha kelisimshartty merziminen buryn toqtatqan", – dedi qarjylyq monıtorıng agenttiginiń resmı ókili Álibek Ábdilov.
Joǵarǵy sot quzyretti organnyń is-qımyldarynyń zańdylyǵyn rastady.
Sonymen qatar 2020 jyldyń 1 maýsymynda sot sheshimimen V.Dolgalevke "Tıolaın" kompanııasynyń múlkin basqarýǵa tyıym salyndy.
Buǵan qaramastan, V.Dolgalev óziniń baqylaýyndaǵy qurylymdar arqyly zańsyz taý-ken óndirisin jalǵastyryp, Qytaıǵa jáne basqa elderge sur shemalar boıynsha eksporttaǵan kórinedi.
"Tek úsh jyl ishinde (2021-2023 jj.) 113 myń tonnaǵa jýyq ken eksporttaldy. Mamannyń qorytyndysy boıynsha qylmystyq tabystyń jalpy somasy 26 mıllıard teńgeden asty. Bul qarajatqa enshiles tulǵalar arqyly ken ornyna irgeles jatqan 7,5 myńǵa jýyq gektar aýyl sharýashylyǵy maqsatyndaǵy jerler satyp alynyp, ol jerde de zańsyz ken óndirý júrgizilgen. 2 mıllıard teńgege bıýdjetke tólenetin salyqtar men tólemderden jaltarý faktileri anyqtaldy. Qazirgi ýaqytta jasalǵan qylmystyń barlyq mán-jaıyn anyqtaýǵa baǵyttalǵan tergeý áreketteri júrgizilip jatyr. QR QPK-niń 201-baby tártibindegi ózge de aqparat jarııa etýge jatpaıdy", – dedi Álibek Ábdilov.
