Ükımetke taŋǧalam. Jurnalist bolǧan soŋ Ükımettıŋ, Prezidenttıŋ ne ıstep, ne qoiyp jatqanyn baqylap otyramyz.
«Sen - üidıŋ ülkenısıŋ. Aqylyŋ bar ǧoi, qaryndasyŋ men ınılerıŋe ie bol» dep Prezident aldyŋgünı Qytai elıne ülken şaruamen ketıp qaldy. Üş künnen keiın qaityp kelse, üidıŋ ışın su alyp ketken. Aǧasy dep tapsyryp ketken ükımet ai qarap, jūldyz sanap jür. Tötenşe jaǧdai ministrlıgı şoşqa taǧalap otyr.
Prezident kele salysymen eldegı ahualdy dereu baqylauyna alyp, şūǧyl jiyn ötkızdı.
Jinalysta Prezident Ükımet pen äkımderdıŋ su tasqyny kezındegı salǧyrttyǧyn synady. Jyl saiyn jazǧytūrym özender arnasynan tasyp, qar erıp, jappai su tasqyny bolatynyn oblys äkımderı de, jergılıktı audan äkımderı de jaqsy bıledı ǧoi. Jylda qaitalanatyn jäit. Biyl da şeneunıkter arqany keŋge salyp, jaibaraqat otyrǧanyn kördık. Sonyŋ kesırınen qanşama halyq üi-jaiy men malynan aiyrylyp, bas sauǧalap kettı.
Prezidenttıŋ aitqan syny öte oryndy. Iаǧni, Ükımet pen jergılıktı atqaruşy organdardyŋ arasynda jüielı bailanys bolmaǧan. Qasym-Jomart Toqaev zardap şekken öŋır tūrǧyndaryna ülken kölemde şyǧyn kelgenın aita kele, oǧan qynjylatynyn jetkızdı. Memleket basşysy qiyn jaǧdaiǧa bailanysty halyqtan keşırım sūrap, barlyq azamatqa kömek körsetıletının aitty.
Aqtöbe, Abai, Almaty, Aqmola, Atyrau, BQO, ŞQO, SQO, Qostanai, Qaraǧandy, Ūlytau jäne Pavlodar oblysynda oblystyq jedel ştabtar jūmys ıstep jatyr. Aita keterlıgı, Türkıstan, Aqtöbe, Qostanai, Batys Qazaqstan, Aqmola, Ūlytau jäne Abai oblystarynda 10
587 adam, onyŋ ışınde 5 101 bala qūtqarylypty. Aqtöbe, Batys Qazaqstan, Aqmola, Abai oblystaryndaǧy uaqytşa ornalastyru punktterıne 5 497 adam, onyŋ ışınde 1 739 balany ornalastyrǧan.
Däl qazırgı jaǧdaida belsendı qoǧam müşelerınıŋ arqasynda zardap şekkenderge qoldau körsetılıp jatyr. Mysaly, elordalyqtar Qostanai oblysyndaǧy su tasqynynan zardap şekkender men qūtqaruşylarǧa kömek jıberdı. Bırneşe jük kölıgıne jyly kiım, rezeŋke etık, rasiia, qūtqaru jūmystaryna qajettı zattar tielgen eken. Qarapaiym tūrǧyndar bırlesıp qarajat jinap berdı. Osyndai qoǧamdyq jūmystar elımızdıŋ är öŋırınde jürgızılıp jatyr.
Prezident su tasqynyna qarsy uaqytyly şara qabyldamaǧan bırqatar şeneunıkterdı synǧa aldy. Onyŋ ışınde Premer-Ministrdıŋ bırınşı orynbasary Roman Skliar, Su resurstary jäne irrigasiia ministrı Nūrjan Nūrjıgıtov qataŋ sögıs alsa, Aqtöbe, Qostanai, Batys Qazaqstan oblysynyŋ äkımderıne de qataŋ sögıs jariialandy. Būl tızımde Atyrau, Aqmola, Almaty, Pavlodar jäne Abai oblystarynyŋ äkımderı de bar.
Prezident jaǧdaidy qalypqa keltıru üşın şūǧyl şaralar qabyldaumen qatar, azamattardyŋ qauıpsızdıgın qamtamasyz etu jönınde tapsyrma berdı.
Apat saldarynan kelgen şyǧyndar eseptelınedı. Iаǧni, keltırgen materialdyq şyǧyn kölemın anyqtau maqsatynda arnaiy komissiia qūryldy. Aldaǧy uaqytta üi-jaiy men malynan aiyrylǧan adamdarǧa ötemaqy berıletın bolady. Būl da köŋılge medet.
Bızdıŋ Ükımet Prezident özı kırıspese, közderı jypylyqtap otyra bere me? Soǧan taŋǧalam.
Ūqsas jaŋalyqtar
