Túrkistan oblysy, Báıdibek aýdanynyń 40 jastaǵy turǵyny, kópbalaly ana Jansaýle Dospanova úsh uldy dúnıege ákeldi. Bul týraly 4 sáýirde oblys ákiminiń baspasóz qyzmeti jazdy, dep habarlaıdy «Adyrna» tilshisi.
«Nárestelerdiń salmaǵy – 1990, 1975 jáne 1728 gramm boldy. Batyr anaǵa dárigerler kesar tiligi arqyly ota jasap, bosandyryp alǵan. Qazirgi tańda merziminen buryn týǵan sábılerdiń jaǵdaıy birqalypty»,—delingen habarlamada.
«Báıdibektik batyr ana» búginde 8 balanyń anasy atanyp otyr. Úshemderge týystary Narıman, Nurıman jáne Nurman esimderin qoıǵan. Kelinshek úshem bosanatynyn alǵash estigen kezde qobaljyǵanyn aıtady.
Aıta keteıik, bıyl Túrkistan oblysynyń №2 perınataldyq ortalyǵynda 24 egiz ben 1 úshem dúnıege kelgen.
