Tájikstan sý tasqynynan zardap shekken qazaqstandyqtarǵa gýmanıtarlyq kómek jetkizdi. Bul týraly Tájikstannyń tótenshe jaǵdaılar jáne azamattyq qorǵanys komıtetine málimdedi, dep habarlaıdy “Adyrna” ulttyq portaly.
Aqparatqa sáıkes, gýmanıtarlyq júkterdi tapsyrý rásimi Saryaǵash qalasynda ótti. Tájikstan Qazaqstanǵa azyq-túlik, aýyz sý, qurylys pen tóbe materıaldaryn jiberdi. Dýshanbe men Hýdjandadan 61 vagon men 13 júk kóligi kelgen. Júktiń jalpy salmaǵy 3,5 myń tonnany qurap otyr.
Saryaǵashqa Tájikstannyń tótenshe jaǵdaılar jáne azamattyq qorǵanys komıtetiniń basshysy R.Nazarzoda da keldi. Onyń aıtýynsha, baýyrlas qazaq eline jetkizilgen gýmanıtarlyq kómek Beıbitshilik pen ulttyq birliktiń negizin qalaýshy – Ult kóshbasshysy, Tájikstan Respýblıkasynyń prezıdenti Emomalı Rahmonnyń tikeleı tapsyrmasy boıynsha jetkizilip otyr.
Qazaqstannyń tótenshe jaǵdaılar mınıstriniń orynbasary men oblys basshysy tájik halqyna jasaǵan kómegi úshin alǵys bildirdi.
Aıta keteıik, buǵan deıin Ózbekstan sý tasqynynan zardap shekken qazaqstandyqtarǵa 15 júk kóligimen gýmanıtarlyq kómek jóneltken. Germanııadaǵy otandastarymyz da gýmanıtarlyq kómek jınaýǵa kiristi.
