Qaztalov audanynda 23 säuır künı audan äkımı Aslanbek Sarqūlovtyŋ töraǧalyǧymen audan tūrǧyndaryn tūrǧyn üimen qamtamasyz etu maqsatynda jiyn öttı.
Biyl üi kezegınde tūrǧan azamattardy jäne «Qaladan-auylǧa» baǧdarlamasyna niet bıldırgen otbasylardy tūrǧyn üimen qamtamasyz etu maqsatynda audanymyzda 115 baspana salynuda. Onyŋ ışınde 27 eldı mekende jaŋa baspana salynady.
Audan tūrǧyndaryn jäne jas mamandardy tūrǧyn üimen qamtamasyz etu üşın byltyrǧy jyly 22 tūrǧyn üi satyp alynyp, sonyŋ ışınde 4 tūrǧyn üi jaŋadan salyndy. Sonymen qatar jyl basynda audan ortalyǧyna kelgen 6 därıger jaŋa tūrǧyn üimen qamtamasyz etıldı. Bügıngı taŋda audan boiynşa 511 azamat üi kezegınde tūr. Atalǧan jobaǧa audandaǧy jeke tūlǧalar, käsıpkerler, şarua qojalyq jetekşılerı niet bıldırıp otyr. Bügınde Kaztalov auylynda Ruslan Rahmetov qos päterlı tūrǧyn üi saluda.
Öŋırımızde oblys äkımı Nariman Töreǧaliūlynyŋ bastamasymen «Qaladan-auylǧa» jobasy jüzege asuda. Joba aiasynda audanymyzdyŋ 8 eldı mekenıne 16 otbasyn köşırıp äkelu josparlanyp otyr. Jyl basynda joba aiasynda audan äkımdıgınıŋ qoldauymen Oral qalasynyŋ tūrǧyndary Sisenovtar otbasy Bolaşaq auyldyq okrugınıŋ Jaŋataŋ eldı mekenıne köşırılıp, baspanamen, tūraqty jūmyspen qamtyldy.
Audan äkımı okrug äkımderı men bölım basşylaryna atalǧan jobalar aiasynda salynatyn baspanalardyŋ merdıgerlerın naqtylap, qūrylys jūmystarynyŋ qarqynyn arttyrudy tapsyrdy. Sonymen qatar tūrǧyn üilerdıŋ bekıtılgen talapqa sai boluyn, sapasyna män beruın eskerttı.
Ūqsas jaŋalyqtar
