Úı almaqshy edik, "Baqytty otbasy" baǵdarlamasynyń tiziminen alyp tastady - Gúlnur Bajakova

2117
Adyrna.kz Telegram

Redakııamyzǵa Óskemen qalasynyń turǵyny Gúlnur Bajakovadan hat kelip tústi. Oqyrman óz hatynda "Otbasy" bankiniń "Baqytty otbasy" baǵdarlamasyna qatysyp, alaıda tizimnen shyǵyp qalǵany jaıly jazady. Hat ıesi nebári úsh kún qalǵanda depozıtpen úı alýǵa úmitkerler sanatynan shyǵyp qalǵan,  dep habarlaıdy "Adyrna" ulttyq portaly. 

"Osy jyldyń 20 shildesinde Otbasy bankiniń "Baqytty otbasy" baǵdarlamasy boıynsha qujat qabyldaý bastalǵan edi. Biz bul sátti kópten kúttik. Úı alamyz dep úmittendik. Biraq 28 qyrkúıek kúni barlyq salymshylarǵa hat keldi. Saıttary jumys istemedi. Ótinish beretin kezde de saıt isten shyǵyp, ótinishimizdi sońynan áreń júktep úlgergen edik. Keıin ótinim qabyldaý merzimi 19 tamyzǵa deıin uzartyldy. Biz sheshimin kútip júrdik. Keıin baknke habarlassam, tizimnen bizdi, ıaǵnı "tolyq emes otbasylardy" shyǵaryp tastaǵanyn aıtty. Biraq "Nelikten?" degen suraǵyma tolyqqandy jaýap ala almadym.  Meni qazir "Nege baǵdarlamanyń talaptary shynaıy emes?" degen saýal tolǵandyrady. Biz birneshe aı boıy tizimnen sebepsiz shyǵyp qalǵanymyzdy estý úshin baǵdarlamanyń sheshimin kúttik pe? Munyń barlyǵy 3 kúnniń ishinde sheshilgeni de qyzyq. Ádilettik qaıda? Ózim 8 jyl páter jaldap, kezek kútýden sharshadym. O basta bizdi budan habardar etken bolsa, banktegi depozıtimizdi ashpas edik. Ony basqa baǵdarlama úshin qoldanar edik. Biz eshkimnen tegin turǵyn úı suramaımyz, barlyǵynyń zań negizinde júzege asqanyn qalaımyz. Tipti, banktiń jumysynda tártip joq. Bul meniń ǵana emes, men sekildi Qazaqstandaǵy barlyq analardyń janaıqaıy dep oılaımyn. Aıaqtalýyna 3 kún qalǵanda baǵdarlama sharttaryn ózgertip jiberý bizdiń elge ǵana tán. Mundaıdy basqa qaı jerden kórdińiz?" - dep jazady oqyrman.

Sonymen qatar, oqyrman osy baǵdarlamadan shyǵyp qalǵan ata-analardyń atynan qoıylatyn talabyn jetkizdi.

"Bizdiń talabymyz:
1."Baqytty otbasy" baǵdarlamasyna tolyq emes otbasy kategorııasyn qaıta qossyn.
2.Birinshi naryqtan emes, ekinshi naryqtaǵy páterler berilsin.
3. Birinshi naryqtan berilgen kvartıranyń sharshy metri 200myńnan asyrmaýyn suraımyz" - dedi avtor.

 

Pikirler