Su şaruaşylyǧy jäne irrigasiia ministrı su tasqyny zardaby rettelmei jatyp, aldaǧy suaru mausymy jaiynda aitty, dep habarlaidy "Adyrna" ūlttyq portaly.
"Qazaqstan boiynşa «Qazsuşar» filialdary tasqyn suyn apatsyz ötkızudı qamtamasyz etıp, aldaǧy suaru mausymyna daiyndalyp jatyr,"- dep mälımdedı Su şaruaşylyǧy jäne irrigasiia ministrı Nūrjan Nūrjıgıtov säuırdıŋ 23 - ınde.
Ministrdıŋ aituynşa, su tasqyny kezınde «Qazsuşar» mekemesınıŋ Soltüstık Qazaqstan filialynyŋ mamandary Sergeev su torabynyŋ jaǧalauyn nyǧaitu jūmysyn jürgızgen. 82 tonnadan astam kesek tas, 15 temırbeton plita, 25 temırbeton bloktary jäne basqa materialdar töselgenın aitqan özınıŋ telegram arnasyndaǧy mälımdemesınde ministr.
Kaztalov audanynda köktemgı tasqyn suyn apatsyz ötkızu üşın «Qazsuşardyŋ» Batys Qazaqstan filialy Ülken Özen özenındegı uaqytşa topyraq bögetterı aşylǧan. Nätijesınde su limandar men tabiǧi şabyndyqtarǧa jıberılıp, eldımekenderdı su basu qauıpı azaidy. Sonymen qatar, su tasqynynyŋ ekınşı tolqyny kezınde Oral-Köşım suaru-sulandyru jüiesınıŋ 4 su qoimasyna su jinalyp jatyr. Qazır olarda 200 million tekşe metrden astam su jinaldy, būl jalpy kölemnıŋ 84 paiyzyn qūraidy. «Qazsuşar» mamandary Resei Federasiiasynyŋ Orynbor jäne Saratov oblystarynyŋ su qyzmetterımen ünemı aqparat almasuda,"- deidı sumin.
Ministr Nūrjıgıtovtıŋ mälımdeuınşe, Abai oblysynyŋ Ürjar audanynda Qaraköl su qoimasynyŋ qūrylysy jäne Kökpektı audanynda Ülken Böken özenındegı su toraby tazartylǧan. Şyǧys Qazaqstan filialy Kürşım audanyndaǧy «Jauǧaşty» magistraldyq kanalynyŋ bas qūrylysyn tazartqan. Marqaköl audanynyŋ Orta-Terektı su qoimasynda inerttı materialdar daiyndalǧan.
«Qazsuşar» mekemesınıŋ Qonaev atyndaǧy Ülken Almaty kanaly filialy Qaratūryq suaru alabynyŋ şaruaşylyq jelısın mehanikalyq ädıspen tazartqanyn aitqan Su şaruaşylyǧy ministrı «Obedinitelnyi» magistraldyq kanalynyŋ tübın betondau jūmysy jürıp jatqanyn jetkızgen.
Nūrjan Nūrjıgıtovtıŋ aituynşa, Ülken Almaty kanalynyŋ avariialyq uchaskelerın rekonstruksiialau jürgızılude. Suaru mausymyna tolyq daiyndyqty qamtamasyz etu üşın jūmys ekı auysymda atqarylyp jatyr. Būdan basqa, Almaty oblysynyŋ Ile jäne Jambyl audandarynyŋ şarualaryn sumen qamtamasyz etetın sol jaǧalaudaǧy magistraldyq kanaldy betondau jäne mehanikalyq tazartu jūmysy jürgızılude.
Erıgen qar jäne jaŋbyr suyn kedergısız ötkızu üşın Almaty oblysy boiynşa filial Kürtı jäne Şelek özenderınıŋ arnalaryn tazartady.
«Qazsuşar» mekemesınıŋ Aqmola filialynyŋ mamandary «Alva» limandy suaru jüiesınıŋ bögetıne inerttı materialdar tösedı. "Osylaişa, bögettıŋ būzylu qaupı azaidy,"- deidı ministr.
Suminnıŋ habarlauynşa, suaru kezeŋıne daiyndyq üşın Jambyl oblysy boiynşa «Qazsuşar» filialy jalpy ūzyndyǧy 48 şaqyrym bolatyn 6 kanalda mehanikalyq tazalau jäne jöndeu jūmystaryn jürgızgen. Qordai audanynda Georgievskii magistraldyq kanaly tazartyldy. Merkı audanynda 11 su beketı jöndelıp jatyr, odan keiın taǧy 20 su beketı jöndelmek. Sondai-aq, R-3 arnasyn suaru mausymyna daiyndau jūmysy jürıp jatyr.
Ministr Nūrjan Nūrjıgıovtıŋ aituynşa, «Qazsuşardyŋ» Qyzylorda filialy jalpy ūzyndyǧy 51,4 şaqyrym 11 arnany mehanikalyq ädıspen tazalap, sondai-aq 19 gidrotehnikalyq qūrylysty jäne 23 gidropostty jöndeuden ötkızgen. Qazırgı uaqytta 32,7 şaqyrym kanal tazartylyp, 9 gidrotehnikalyq qūrylym jöndeldı. 20 gidroposttaǧy köpırler qaita jaŋartyluda. Jetısu oblysy boiynşa «Qazsuşar» filialy biyl 173,1 şaqyrym kanaldy tazartudy, 54 gidrotehnikalyq qūrylysty jäne 10 gidropostty jöndeuden ötkızudı josparlap otyr. Bügıngı taŋda 40 şaqyrym kanal tazartyldy, 1 gidrotehnikalyq qūrylys salyndy, 4–ı jöndeldı. 1060 şarua qojalyǧymen su beru turaly şarttarǧa qol qoiyldy. Fermerler 20 myŋ gektarǧa juyq alqapty suaru üşın 174 million tekşe metr su alady.
Ministrdıŋ mälımdemesıne qaraǧanda, suaru kezeŋıne daiyndyq üşın «Qazsuşar» mekemesınıŋ Türkıstan oblysy boiynşa filialy 33 kanaldy mehanikalyq ädıspen tazalau jūmysyn jürgızgen. Su qoimalarynyŋ tasqyn suyn qabyldauǧa daiyndyǧyn baǧalau üşın olardyŋ tehnikalyq jaǧdaiyna tekserıs jürgızıldı. Sondai-aq, tehnika da tekserılıp, qajettı inerttı materialdar daiyndaldy.
Nūrjıgıtovtıŋ aituy boiynşa, «Qazsuşardyŋ» Qaraǧandy filialy Jartas su qoimasyndaǧy Jartas jäne Malokomspai magistraldyq kanaldary uchaskelerınıŋ beton betkeilerı men tübıne jöndeu jūmysyn jürgızgen. Būǧan qosa arnalardy lai men ösımdıkterden tazartu bastalǧan. 5 gidrotehnikalyq qūrylysta jergılıktı dabyl jüielerı ornatyluda.
"Aqtöbe oblysy boiynşa filial üş ırı su qoimasy men bırneşe limandardyŋ jūmysyn baqylaidy. Nysandar ştattyq kestege sai jūmys ıstep tūr, mäsele baiqalmaidy,"- deidı Su şaruaşylyǧy jäne irrigasiia ministrı Nūrjan Nūrjıgıtov.
Ūqsas jaŋalyqtar
