Memleket basşysy energetika ministrı Almasadam Sätqalievtı qabyldady, dep habarlaidy “Adyrna” ūlttyq portaly.
Ministr Almasadam Sätqaliev elımızdıŋ otyn-energetika keşenınıŋ biylǧy bırınşı jartyjyldyqtaǧy damuy jönınde Prezidentke esep berdı.
Sätqalievtıŋ mälımetınşe, jyl basynan berı 44,7 million tonna mūnai öndırılgen. Mūnai önımderınıŋ öndırısı 6,78 million tonnany qūraǧan eken.
Odan bölek, 30,1 milliard tekşe metr gaz öndırılıp, elektr quatyn öndıru kölemı 60,4 mlrd kVt/saǧatqa jetkenı baiandaldy.
Al kezdesude memleket basşysy ministrge jylytu mausymyna daiyndyq boiynşa tiıstı jūmys jürgızudı jäne ışkı naryqty mūnai önımderımen qamtamasyz etudı tapsyrdy.
Aita keteiık, 10 kün būryn ministr Sätqaliev gaz baǧasy jyl saiyn köterılıp otyratyny turaly mälımdeme jasap, avtoainalymnan alynatyny turaly mälımdeme jasaǧan bolatyn.
Al şılde aiynyŋ basynda gaz baǧasy öŋırlerde türlışe qymbattaǧan edı.
Sondai-aq, Qazaqstanda AES salu mäselesı bırneşe jyl boiy köterılıp keledı. Osyǧan bailanysty Prezident Toqaev 2024 jylǧy 27 mausymda Qazaqstanda atom energetikasyn damytu taqyrybyn qozǧady. Nätijesınde BAQ qyzmetkerlerın marapattau räsımınde prezident AES qūrylysyn dauysqa salyp şeşetın referendumnyŋ biyl küzde ötetının habarlaǧan.
Ūqsas jaŋalyqtar
