Jyr bolǧan Parij Olimpiadasy aiaqtaldy, alda jabylu räsımı kütıp tūr.
Olimpiada bıterde qyzyq jaǧdai oryn aldy. Jeŋıl atletikanyŋ biıktıkte sekıru saiysy naǧyz dramaǧa ainaldy. Tört jyl būryn būl sporttyŋ türınde italiialyq Djanmarko Tamberi men qatarlyq Mutazz Barşim myqtyny anyqtai almai, ekeuı de altyn alǧan edı. Ekeuı Parijge qaitadan keldı.
Jarystyŋ bastaluyna 3 kün qalǧanda Tamberidıŋ büiregı syr berıp, auruhanaǧa tüsıp qaldy. Därıgerler oǧan tyiym salsa da, bärıbır ol jaqtan qaşyp şyǧyp, ırıkteuge qatysyp, finalǧa joldama aldy. Finalǧa bır kün qalǧanda büiregı taǧy asqynyp, taǧy da auruhanaǧa tüstı, qaittan qaşyp şyǧyp, qanşa sekırse de, oinap tūryp baǧyndyratyn mejenı ala almai, sol jerde qūlap, jasyna erık berdı.
Basty favorit jarystan şyqqan kezde, sol qatarlyq Mutazz altyn alady dep bärı küttı. Bıraq ol bırneşe mümkındıkterın sätsız oryndap, amerikalyq Şelbi Makiuen jäne jaŋa zelandiialyq Hemiş Kerrge jol berıp qoidy.
Sodan myna ekeuı kezek-kezek sekırse de, myqtyny anyqtai almady. Ekeuınıŋ nätijelerı tepe-teŋ. Sonda ūiymdastyruşylar Tokiodaǧydai ekeuıne de altyn bermekşı bolǧanda, Hemiş oǧan kelıskenmen, jap-jas Şelbi boi bermedı. Sodan superfinal bastaldy. Ary sekıredı, berı sekıredı, taiaqşa qūlai beredı. Bır kezde Kerrdıŋ baǧy janyp, 2,38 metr biıktıktı baǧyndyryp, stadiondy ainalyp jügırıp ketedı. Şelbi bolsa AQŞ-tyŋ tuyn alyp, kümıske de qanaǧat dep otyryp qalady.
Qyzyqtyŋ kökesı sol kezde bastaldy. Ol kezde AQŞ pen Qytai jalpy esepte bırınşı oryn üşın talasyp jatty. Jalpy medal sany boiynşa AQŞ alda tūrǧanmen, Qytaidyŋ bır altyny artyq. Būdan keiıngı jarystarda altyn ala almaityn şyǧarmyz dep, AQŞ janküierlerı Şelbidı qarǧap, tabalap, boqtady. Öi, aqymaq, berıp tūrǧan altynnan kım bas tartady, senıŋ kesırınen bız Qytaidy quyp jete almaityn boldyq. Şelbige aitpaǧan söz qalmady. Sūmdyq heit. Ökınıp jürgen atlettıŋ qaita joly boldy, AQŞ taǧy üş altyn alyp, aqyry Qytaidy jalpy esepte altyn sany boiynşa quyp jettı (40-40). Ol bolmaǧanda, Şelbige kün körsetpeitın edı. Bıraq, AQŞ Qytaidan oza almady, altyndary teŋ, Şelbidıŋ ambisiiasy bolmasa, AQŞ taza bırınşı oryn alatyn edı))
Al, Djanmarko Tamberi osy Olimpiadanyŋ bas qaharmandardyŋ bırıne ainaldy.
Janküier degen qatygez halyq qoi, ümıtın aqtamasaŋ, aiamaidy, taptap tastaidy. Üş künnen keiın tük bolmaǧandai, basqalardy heitit etıp jüre beredı))
Bız bolsaq otyrmyz, jalǧyz altynymyzdy qūşaqtap, ony alyp bergen jıgıttı söz qyludan şarşamai. Ol da söilep qalǧan paluan eken, bas heitke jauap bere beredı, toqtamai)
Almas Junisbay
Ūqsas jaŋalyqtar
