Köşı-qon qyzmetı qos azamattyǧy bar Abai oblysy Boroduliha audanynyŋ tūrǧynyn anyqtady, dep habarlaidy “Adyrna” ūlttyq portaly.
Oblystyq Polisiia departamentı mälımetınşe, tamyzda qūqyq qorǧau organdary biylǧy mausymda Resei Federasiiasynyŋ azamattyǧyn alyp, Qazaqstan azamattyǧy küşın joiǧanyn räsımdemegen 54 jastaǧy er adamdy anyqtady.
“Sot qaulysy boiynşa, qūqyq būzuşy QR ÄQBtK-nıŋ 496-baby ekınşı bölıgı boiynşa Qazaqstan Respublikasynan şyǧaru türındegı äkımşılık jauapkerşılıkke tartyldy”, - delıngen vedomstvonyŋ baspasöz habarlamasynda.
Sonymen qatar tärtıp saqşylary tärtıp būzuşydan respublika azamatynyŋ tölqūjatyn alyp, Qazaqstan azamattyǧynan aiyrylǧanyn räsımdegenı naqtylanady.
Poliseiler elımızde qos azamattyqqa jol berılmeitının eske salyp, tūrǧyndardan köşı-qon zaŋnamasyn saqtaudy sūraidy.
Ūqsas jaŋalyqtar
