Qarjy ministrlıgı Memlekettık kırıster komitetı töraǧasynyŋ orynbasary Seiıljan Ahmetov Qazaqstanda qanşa qazaqstandyq özın bankrot dep jariialap jäne qandai somaǧa bankrot bolǧanyn aitty, dep habarlaidy “Adyrna” ūlttyq portaly.
Bügın Ortalyq kommunikasiialar qyzmetınde "Bankrottyq jäne azamattardyŋ tölem qabılettılıgın qalpyna keltıru räsımderın jeŋıldetu" taqyrybynda baspasöz mäslihaty öttı.
Baspasöz mäslihaty barysynda Qarjy ministrlıgı Memlekettık kırıster komitetı töraǧasynyŋ orynbasary Seiıljan Ahmetov 2023 jylǧy 3 nauryzdan bastap, iaǧni tüzetuler küşıne engen uaqyttan berı sottan tys bankrottyq räsımın qoldanu boiynşa 131 myŋnan astam ötınış tüskenın habarlady.
"Memlekettık kırıster organdarynda 6,6 myŋ ötınış qaralyp jatyr. 8 myŋ azamatqa qatysty räsımder jürgızılude, 2 myŋnan astam adamnyŋ bankorttyq räsımı toqtatyldy. 215 ötınış kerı qaitaryldy. 17,9 myŋ adam bankrot dep tanyldy, qaryz somasy 40 mlrd teŋge", - dedı spiker.
Onyŋ sözınşe, ötınışter sany boiynşa Almaty qalasy, sondai-aq Almaty, Jambyl jäne Türkıstan oblystary köş bastap tūr.
Būl rette sot 45 adamdy bankrot dep tanyp, 13,6 mlrd teŋge qaryz keşırıldı.
"Jaqynda bız bankrottyq turaly ötınışterdı qaradyq, er adam – 53 paiyz, al äielder 47 paiyz boldy. Orta eseppen ötınış beruşılerdıŋ basym bölıgı 40-42 jas aralyǧyndaǧy tūrǧyndar. Qaryzdyŋ ortaşa mölşerı bırneşe myŋ teŋgeden 2 milliard teŋgege deiın, - dep tüiındedı sözın Seiıljan Ahmetov.
Qarjy ministrlıgı Memlekettık kırıster komitetındegı basqarma basşysy Meruert Sisembaeva "Erlı-zaiyptylardyŋ bırın bankrot dep tanu olardyŋ nesie alu mümkındıgıne äser ete me?" degen sūraqqa jauap berdı.
"Jalpy, ipoteka maqūldana ma, joq pa ony bank ökılderı şeşedı. Zaŋ boiynşa "bankrot" dep tanylsa, onda 5 jyl boiyna nesie berılmeidı, - dedı ol.
Eske salaiyq, 2023 jyldyŋ 3 nauryzynda Qazaqstanda qaryzy bar azamattarǧa özın bankrot dep jariialauǧa mümkındık beretın zaŋ küşıne endı. 2024 jyly bankrottyq räsımı boiynşa bırqatar talaptardy alyp tastau arqyly aitarlyqtai jeŋıldetıldı.
