Resei ükımetı internet arqyly mobildı jäne stasionarlyq telefondarǧa qoŋyrau şaluǧa tyiym saldy. Būl şeşım resmi türde telefon alaiaqtaryna qarsy küres maqsatynda qabyldanǧan, dep habarlaidy "Adyrna" ūlttyq portaly VVS-ge sıltep.
Alaida, būl şekteu Reseide 2023 jyldyŋ jeltoqsanynda bastalǧan bankomattardy, polisiia kölıkterın jäne basqa da nysandardy örteu tolqyny aiasynda engızılıp otyr. Tūtqyndalǧandar qylmys jasauǧa alaiaqtardyŋ mäjbürlegenın aitqan.
28 jeltoqsanda jariialanǧan qaulyǧa säikes, bailanys qyzmetterın körsetu lisenziialary tızımınen «dauys aqparatyn beru funksiiasy bar internet derekterın taratu lisenziiasy» alynyp tastalady. Ükımettıŋ mälımdeuınşe, būl tehnologiia nömırlerdı auystyruǧa mümkındık berıp, telefon alaiaqtary tarapynan jiı qoldanylǧan.
«Būl şara telefon alaiaqtyq äreketterın aitarlyqtai şekteidı», — dep mälımdedı ükımet ökılderı.Şekteu messendjerler arasyndaǧy qoŋyraularǧa äser etpeidı. Ükımettıŋ habarlauynşa, şeşım qarapaiym paidalanuşylarǧa qiyndyq tuǧyzbaidy.
«Messendjerler arqyly bailanys ornatatyn adamdar būl qyzmettı internet jelısı arqyly tıkelei qoldana beredı, mobildı nemese stasionarlyq bailanys jelısıne şyǧu qajet emes», — delıngen ükımet habarlamasynda.Qazırgı uaqytta Zoom nemese Skype siiaqty qyzmetter arqyly internetten mobildı jäne stasionarlyq telefondarǧa qoŋyrau şaluǧa bolady. Būl qyzmetterdı Reseiden emigrasiialaǧandar men senzuraǧa bailanysty şetelde jūmys ıstep jürgen jurnalister de paidalanyp kelgen. Ükımet qaulysy 2025 jyldyŋ 1 qyrküiegınde küşıne enedı.
Ūqsas jaŋalyqtar
"Resei aspanyn belgısız äskeri ūşaqtar torydy" - Şūǧyl türde Sankt-Peterbordyŋ äue keŋıstıgı jabyldy
