Qazaqstan mūnaiynyŋ 70 paiyzǧa juyǧy Europa Odaǧy elderıne eksporttalady

Qazaqstan mūnaiynyŋ 70 paiyzǧa juyǧy Europa Odaǧy elderıne eksporttalatyny belgılı boldy. Būl turay memleket basşysy Qasym-Jomart Toqaev pen Sloveniia prezidentı Nataşa Pirs-Musar Qazaqstan-Sloveniia biznes-forumynda belgılı boldy, dep habarlaidy “Adyrna” ūlttyq portaly.  Memleket basşysy soŋǧy 30 jylda Qazaqstan men Sloveniianyŋ özara qūrmetke negızdelgen berık saiasi-diplomatiialyq bailanys ornatqanyn atap öttı. Prezidenttıŋ aituynşa, keşegı kelıssözder barysynda taraptar qos halyqtyŋ igılıgı üşın ekonomikalyq yntymaqtastyqty nyǧaituǧa beiıl ekenın rastady. Aqorda mälımetınşe, Qazaqstan prezidentı özara qūrmetke negızdelgen berık saiasi-diplomatiialyq bailanys ornaǧanyn jäne ekonomikalyq yntymaqtastyqty nyǧaituǧa beiıl ekenın atap öttı. Qazaqstan – aimaqtaǧy ekonomikasy qarqyndy ösıp kele jatqan ırı elderdıŋ sanatynda:

• 2024 jyly ekonomikalyq ösım 4,8 paiyz deŋgeiınde boldy.
• IJÖ 288 mlrd dollarǧa jettı.
• Elımız saiasi jäne ekonomikalyq reformalardy jüzege asyra otyryp, osy damu körsetkışın saqtauǧa niettı.

Qazaqstan Euraziiadaǧy jetekşı sauda ärı logistika habyna ainaluǧa ūmtylady:

• Elımızdıŋ aumaǧy arqyly ötetın jük tasymalynyŋ kölemı 514 mlrd tonna-şaqyrymǧa jettı.
• Europa men Qytai arasyndaǧy qūrlyqtyq alys-berıstıŋ 90 paiyzyn qamtamasyz etude.
• Aqtau jäne Qūryq porttary arqyly jöneltıletın jük kölemı 62 paiyzǧa östı (4,5 million tonnaǧa deiın jettı).
• Sloveniianyŋ eŋ ırı Koper portymen serıktestıktı tereŋdetu közdelıp otyr.

Önerkäsıp jäne energetika salalaryndaǧy perspektivtı baǧyttar:

• Qazaqstan mūnaiynyŋ 70 paiyzǧa juyǧy Europa Odaǧy elderıne eksporttalady.
• Barlanǧan tabiǧi gaz qory 3 trln tekşe metrge jetedı, al kömır kenışı 34 mlrd tonnany qūraidy.
• Elımız EO ekonomikasy üşın asa maŋyzdy 34 sirek kezdesetın mineraldyŋ 19 türın öndıredı.
• Qazaqstan sektordyŋ äleuetın tolyq paidalanu maqsatynda älemnıŋ jetekşı kompaniialarymen pragmatikalyq formulaǧa sai, iaǧni «şikızat ornyna investisiia men tehnologiia» qaǧidasyna sai yntymaqtastyq ornatady.
• Total, Eni, Masdar jäne Svevind Energy Group kompaniialarynyŋ qatysuymen jasyl energetika jobalary qarqyndy damyp keledı.
• Sloveniianyŋ Iskra, Gorenje siiaqty ozyq kompaniialary bızdıŋ naryqta tabysty jūmys ısteidı.

Auyl şaruaşylyǧy jäne azyq-tülık qauıpsızdıgı:

• Otandyq auylşaruaşylyq önımderı älemnıŋ 70-ten astam elıne eksporttalady.
• Qazaqstannyŋ agroönerkäsıp keşenın joǧary tehnologiialy sektor retınde qaita qūru jospary turaly aityldy.
• Elımız sloveniialyq serıktesterımen bırlesken investisiialyq jobalardy ıske asyruǧa niettı.

Farmasevtika jäne IT:

• Qazaqstan Sloveniianyŋ Krka, Lek sekıldı kompaniialarymen farmasevtika öndırısın damytuǧa;
• ǧylymi zertteuler, startaptar jäne tehnologiialyq bılım beru ısındegı osy eldıŋ IT kompaniialarymen serıktestık ornatuǧa müddelı.

Qarjy jäne investisiia:

• Sloveniianyŋ ıskerlık top ökılderıne Astana halyqaralyq qarjy ortalyǧynyŋ äleuetın zerdelep, onyŋ ekojüiesıne qosylu ūsynyldy.