Almatyda jubaıyn pyshaqtap óltirgen polıııa qyzmetkerine qatysty tergeý jalǵasýda, dep habarlaıdy “Adyrna” ulttyq portaly.
Almaty qalalyq polıııa departamentiniń málimetinshe, kúdikti buǵan deıin Almaty oblysy Polıııa departamentinde qyzmet atqarǵan. Alaıda belgili bir sebeptermen jumystan shyǵarylǵan.
Qaıǵyly oqıǵa 30 sáýir kúni túski ýaqytta Shuǵyla yqshamaýdanyndaǵy kópqabatty úılerdiń birinde bolǵan. Kórshiler páterden shyqqan áıeldiń kómek suraǵan daýysyn estip, dereý polıııaǵa habar bergen.
Oqıǵa ornyna kelgen jedel tergeý toby 40 jastaǵy er adamnyń otbasylyq janjaldan keıin jubaıyn pyshaqtap óltirgenin anyqtady. 34 jastaǵy áıel oqıǵa ornynda jan tapsyrǵan. Kúdikti keıin ózine de pyshaq jaraqatyn salyp, tamaǵyn kesip jibergen. Qansyraǵan ol dereý aýrýhanaǵa jetkizilip, jansaqtaý bólimine jatqyzylǵan.
Aldyn ala málimetterge sáıkes, kúdikti — Almaty oblysynyń jol-patrýldik polıııa batalonynda qyzmet etken. Al qaza tapqan áıel — Uzynaǵash aýylyndaǵy balabaqsha dırektory bolǵan. Erli-zaıyptylardyń artynda úsh bala qaldy.
Oqıǵaǵa baılanysty resmı organdardan naqty túsinikteme berilmeı otyr. Tergeý amaldary jalǵasýda.
