Qazaqstanda 22–30 mamyr aralyǧynda ötetın Halyqaralyq balalardy qorǧau künıne arnalǧan keŋ auqymdy ıs-şaralar – elımızdegı balalarǧa arnalǧan memlekettık saiasattyŋ jarqyn körınısı. «Qazaqstan balalary» atty bıryŋǧai ūranmen ötetın būl merekelık kezeŋ – tek oiyn-sauyq emes, balalardyŋ qūqyǧyn qorǧau, olardyŋ pıkırın tyŋdau, damuyna jaǧdai jasau jolyndaǧy maŋyzdy qoǧamdyq ündeu.
Būl bastamanyŋ şeŋberınde ötkızıletın ıs-şaralardyŋ auqymy keŋ ärı mazmūndy. Otbasy men bala arasyndaǧy bailanysqa män berılgen merekelık künder, aimaq äkımderınıŋ balalarmen kezdesuı, mädeniet jäne sport mekemelerıne tegın baru, qaiyrymdylyq aksiialary, jaŋa bılım nysandarynyŋ aşyluy, balalardyŋ qūqyq qorǧau salasymen tanysuy jäne bılım salasyndaǧy jetıstıkter – mūnyŋ bärı balalardyŋ jan-jaqty damuyna baǧyttalǧan.
Memlekettık saiasattaǧy balalar müddesı
QR Oqu-aǧartu ministrlıgı men jergılıktı atqaruşy organdar ūiymdastyryp otyrǧan ıs-şaralar Qazaqstandaǧy balalarǧa qamqorlyqtyŋ jai ǧana mındet emes, ūlttyq ideologiianyŋ ajyramas bölıgı ekenın körsetedı. Mektep jasyndaǧy balalardyŋ bılım aluy ǧana emes, olardyŋ tūlǧa retınde qalyptasuyna, azamattyq belsendılıgıne, şyǧarmaşylyq jäne sporttyq qabıletterıne qoldau körsetu – qazırgı bılım beru jüiesınıŋ basty mındetterınıŋ bırı.
Ministrlık būl bastamalardy jüzege asyruda otbasy institutyn qoldau men nyǧaitudy da basty nazarda ūstap otyr. 22 mamyr künı ötken «Äkem – tıregım, anam – jüregım» atty ıs-şara sonyŋ dälelı. Būl küngı ıs-şaralar otbasy qūndylyqtaryn ūlyqtap, äke men ananyŋ bala tärbiesındegı rölın nasihattauǧa arnaldy. «Äkeler Odaǧy» RQB töraǧasy Maqsūt Aitmaǧanbettıŋ aituynşa, soŋǧy jyldary qoǧamda äke rölıne degen közqaras oŋ özgerıp keledı. Būryn mekteptegı ata-analar jinalysyna tek analar keletın bolsa, qazır äkeler de belsendılık tanyta bastady.
Qaraǧandy ülgısı: patriottyq tärbie men ziiatkerlık damu
Qaraǧandy qalasynda ötken bırqatar ıs-şaralar balalar tärbiesıne erekşe ülgı bolarlyqtai. «Qazaqstan balalary» ūlttyq bastamasy aiasynda ötkızılgen kezdesulerdıŋ bırı – Qaraǧandy oblysy Polisiia departamentınıŋ Jedel qimyldaityn arnaiy jasaǧy men Kinologiialyq ortalyǧynyŋ ūiymdastyruymen öttı. Būl künı köpbalaly otbasylar men balalar üiınıŋ tärbielenuşılerınen qūralǧan 60-qa juyq oquşy qūqyq qorǧau salasynyŋ qyr-syryn bılıp, äskeri jattyǧulardan öttı. Mūndai şaralar balalardyŋ boiyna patriottyq ruh, tärtıp pen serıktestık daǧdylaryn sıŋıruge mümkındık beredı.
Sonymen qatar oblysta «Äke, ana jäne men» atty otbasylyq jarys ūiymdastyryldy. Sporttyq şaraǧa ata-analar men balalar bırge qatysyp, otbasylyq yntymaqtastyqty körsetıp qana qoimai, salauatty ömır saltynyŋ ülgısın paş ettı. Osyndai ıs-şaralar otbasylyq qūndylyqtardy nyǧaituǧa, balalar men ata-analar arasyndaǧy bailanysqa serpın beruge baǧyttalǧan.
Aimaqtyq bılım salasyndaǧy jetıstıkter de nazar audaruǧa tūrarlyq. Astanada ötken respublikalyq pändık olimpiadada Qaraǧandy oblysy 13 jüldelı oryn ielenıp, joǧary nätijeler körsettı. Būl – sapaly bılım berudıŋ aimaqtyq deŋgeide de jüielı türde damyp jatqanyn körsetedı. Äsırese, jaratylystanu-matematika baǧytynda ekınşı oryn, qoǧamdyq-gumanitarlyq baǧytta üşınşı oryndy ielenuı – mūǧalımder men oquşylardyŋ tynymsyz eŋbegınıŋ jemısı.
Balalardyŋ belsendılıgın arttyru, olardyŋ pıkırıne qūlaq asu – būl bügıngı qoǧamnyŋ basty mındetı. Qazaqstanda balalarǧa arnalǧan ıs-şaralar köbeiıp, sapasy jaqsaryp keledı. Bılım beru tek mektep qabyrǧasymen şektelmei, mädeni, sporttyq, ziiatkerlık tūrǧyda jan-jaqty qamtyluda.
Biyl elımızde alǧaş ret balalar-jasöspırımder sport mektepterı aiasynda 28 myŋǧa juyq bala tegın jattyǧyp jürgenı atap ötıldı. Būl – tek sportqa ǧana emes, ūrpaq densaulyǧyna, onyŋ äleuetın damytuǧa jasalǧan investisiia.
Halyqaralyq balalardy qorǧau künı – būl mereke ǧana emes. Būl – bala müddesın qorǧauǧa, onyŋ tūlǧalyq damuyna qoǧam men memlekettıŋ ortaq jauapkerşılıgı bar ekenın däleldeitın kün. Ärbır ūiymdastyrylǧan ıs-şara – balalarǧa degen şynaiy qamqorlyqtyŋ körınısı.
Käsıbi şeberlık merekesı – WorldSkills Karaganda 2025
Balalar merekesımen qatar Qaraǧandyda 20–22 mamyr aralyǧynda ötken "WorldSkills Karaganda 2025" öŋırlık chempionaty – jastardyŋ käsıbi baǧyttaǧy äleuetın tanytqan taǧy bır maŋyzdy oqiǧa boldy. Qaraǧandy oblysynyŋ 38 kolledjınen jinalǧan 286 qatysuşy 46 bılıktılık boiynşa şeberlıkterın körsetıp, bolaşaq maman retındegı qabıletterın däleldeuge tyrysty.
Üş kün boiy qatysuşylar 46 türlı bılıktılık boiynşa öz käsıbi daǧdylary men bılımderın synǧa salady. Jarystyŋ 20 bılıktılık baǧyty Qaraǧandy qalasyndaǧy "Jastar" sport keşenınde, al qalǧan 26 bılıktılık 13 kolledjdıŋ bazasynda ötkızılıp jatyr.
Chempionattyŋ basty maqsaty — jastar arasynda jūmysşy mamandyqtarynyŋ bedelın arttyru, käsıbi şeberlıktı därıpteu jäne öŋırdıŋ ǧana emes, eldıŋ bolaşaq bılıktı mamandaryn daiarlauǧa serpın beru. Ūiymdastyruşylardyŋ aituynşa, mūndai saiystar bılım beru jüiesı men öndırıs salasynyŋ arasyndaǧy bailanysty nyǧaityp, kadrlardy eŋbek naryǧy talaptaryna sai daiarlauǧa jol aşady.
"WorldSkills Karaganda 2025" chempionaty — qatysuşy jastar üşın tek käsıbi jarys qana emes, öz qabıletın däleldeuge, täjıribe almasuǧa, eŋbek naryǧynda sūranysqa ie boluǧa baǧyttalǧan ülken mümkındık. Sonymen qatar, būl chempionat käsıbi baǧdar beruge, studentterdıŋ bolaşaq mamandyǧyna degen qyzyǧuşylyǧyn arttyruǧa yqpal etedı.
Qaraǧandy oblysy elımızde käsıbi-tehnikalyq bılım beru men jūmysşy kadrlardy daiarlauda köşbasşylardyŋ bırı sanalady. Chempionat aiasynda kolledj studentterı zamanaui qūral-jabdyqtarmen jūmys ısteu daǧdylaryn körsetıp, halyqaralyq deŋgeidegı standarttarǧa sai şeberlıkterın şyŋdai alady.
Jeŋımpazdar men jüldegerlerge diplomdar men marapattar tapsyrylady. Sonymen qatar, olar respublikalyq jäne halyqaralyq deŋgeidegı WorldSkills jarystaryna qatysu mümkındıgıne ie bolady.
Ūqsas jaŋalyqtar
