Nūr-Sūltan qalasyndaǧy Ministrlıkter üiınıŋ qyzmetkerlerıne ǧimaratqa smartfondar äkeluge rūqsat etıldı. Būl aqparatty Prezident äkımşılıgı rastady.
Ministrlıkter üiınde jūmys ısteitın memlekettık qyzmetkerler endı smartfondaryn jūmys oryndarynda qaitadan paidalanuǧa rūqsat aldy. Ministrlıkter ǧimaratynda elımızdegı ministrlıkterdıŋ ortalyq apparattary jūmys ısteidı.
Būǧan deiın de Ükımet memlekettık qyzmetkerlerge smartfondaryn paidalanu qūqyǧyn qaitarudy qoldaǧan bolatyn. Būl turaly aqparatty QR Sifrlyq damu, innovasiialar jäne aeroǧaryş önerkäsıbı ministrı Asqar Jūmaǧaliev «memlekettık organ ornalasqan mekeme ielerı polisiiamen bırlesıp qajettı nūsqaulyqqa qol qoiuy qajet. Sol uaqyttan bastap, memlekettık qyzmetkerler sol ǧimaratta smartfon qoldana berse bolady. Aqparattyq qauıpsızdık älbette tolyǧymen memlekettık qyzmetkerler men memlekettık morgan basşylyǧynyŋ jauapkerşılıgınde», - dep atap ötken edı.
Negızınen, smartfondar, planşetter, smart saǧattardy ükımet ǧimarattarynda paidalanuǧa tyiym salu 2016 jyldyŋ nauryz aiynda engızıldı. Būl şara memlekettık qyzmetkerlerdıŋ mobildı qūrylǧylardy qyzmettık maqsattarda belsendı türde paidalanuyna jäne WhatsApp jelısı arqyly resmi aqparattardyŋ taralyp ketu deŋgeiınıŋ ösuıne bailanysty engızıldı.
Endıgı kezekte memlekettık qyzmetkerlerge «qoŋyrau / jauap / SMS» funksiialary bar, bıraq internet modulderımen, kameralarmen jäne beinekameralarmen jabdyqtalmaǧan mobildı qūrylǧylardy paidalanuǧa rūqsat etıldı.
Ūqsas jaŋalyqtar
