Qordai audanynda qazaqtar men düngender arasynda ūltaralyq janjal bolǧan künı üiınen şyǧyp ketıp oralmaǧan Mūrat Masanovtyŋ köz jūmǧany belgılı boldy. Tuystarynyŋ sözınşe, qaqtyǧystan bır-ekı kün ötken soŋ Masanchi auylyndaǧy ǧimarattyŋ üiındısı astynan tabylǧan mäiıt Masanovtyŋ mürdesı bolyp şyqqan, dep jazady centralasian.org.
Mūrat Masanovtyŋ jien aǧasy Baqtiiar Äbdışevtıŋ Azattyqqa aituynşa, qazır äulet janazaǧa daiyndalyp jatyr.
- Osyǧan deiın äkesınen qan alynǧan. Ekspertiza qorytyndysy şyqty, "bızge äkesı men balanyŋ qany säikes keldı" dedı. Qūjattary bar, bıraq özım älı körmedım. Ärine, sengım kelmeidı, bıraq solai bolyp tūr. 5 nauryzda jerleimız, - deidı ol Azattyqqa.
Mūrat Masanovtyŋ jezdesı Bauyrjan Nūrǧali de būl aqparatty rastady.
- Jolǧa şyǧyp bara jatqan jerımnen tuystarymnan sondai aqparatty estıdım. Endı kerı qaityp bara jatyrmyn, - dedı ol.
Būl mäselege qatysty Jambyl oblystyq polisiia departamentı men Qordai audandyq polisiia basqarmasynan aqparat alu mümkın bolmady. Ekı organ da resmi mälımdeme taratqan joq.
Osyǧan deiın Mūrattyŋ äpkesı Aqmaral Äbdırahman ınısınıŋ janjal bolǧan künı keşke Masanchidıŋ janyndaǧy Qarasai auylyndaǧy tuystaryna baram dep üiden şyǧyp ketıp, qaityp oralmaǧanyn aityp edı. Onyŋ sözınşe, bauyrynyŋ örtengen kölıgı 8 aqpanda Masanchi auylynyŋ maŋynan tabylǧan. Keiın Mūrat Masanovtyŋ tuysqandary prokuratura men polisiiaǧa aryz jazǧan.
7 aqpan keşke Jambyl oblysy Qordai audanynda qazaqtar men düngender janjaldasyp, resmi derek boiynşa, 10 adam qaza tauyp, 180-nen asa adam zardap şekken. Keiın janjal bolǧan Masanchi auylynda qiraǧan ǧimarattan taǧy bır adamnyŋ mürdesı tabyldy.
Qordaidaǧy janjal kezınde Qyrǧyzstanmen şekaraǧa jaqyn ornalasqan, negızınen etnikalyq düngender tūratyn Masanchi, Sortöbe, Auqatty auyldarynda, resmi mälımet boiynşa, 20 sauda orny men 39 üi bülınıp, 47 kölık örtendı. Ükımet qaqtyǧysta qiraǧan üiler men sauda oryndaryn qalpyna keltıruge kömektesetının mälımdegen.
Bilık janjal qart er adamnyŋ jaralanuymen aiaqtalǧan jol üstındegı kikıljıŋnen şyqqan dep mälımdedı. Kikıljıŋnen soŋ qazaqtar (köbı – Qarakemer auylynyŋ tūrǧyny) jinalyp, düngender tūratyn auyldarǧa barǧan.
Qazaqstan ükımetı janjalǧa bailanysty 90 qylmystyq ıs qozǧalǧanyn mälımdedı. Qordaidaǧy janjaldan soŋ Jambyl oblysynyŋ äkımı Asqar Myrzahmetov bastaǧan bırneşe şeneunık jäne polisiia departamentınıŋ basşysy qyzmetten kettı. Onyŋ ornyna sol kezde premer-ministrdıŋ orynbasary bolǧan Berdıbek Saparbaev taǧaiyndaldy.
Ūqsas jaŋalyqtar
