Almatydaǧy "Saryarqa" bazarynda atys boldy, dep habarlaidy Stan.kz.
Qala tūrǧyndary kündız atys bolǧandaǧy turaly äleumettık jelıde jariialaǧan.
"27 mamyrda tapa-tal tüste "Saryarqa" bazarynda atys boldy. Ol kölık tūraǧy üşın bolǧan janjaldan tuyndaǧan sekıldı", - delıngen habarlamada.
Qalalyq PD baspasöz qyzmetınıŋ habarlauynşa, oqiǧa 27 mamyr künı tüskı saǧat 13:00 şamasynda bolǧan.
"102 nömırıne habarlama tüsken soŋ jedel tergeu toby oqiǧa ornyna attandy. Bazar küzetşısı, tūraq tölemın qabyldaityn qyzmetker men sauda oryndaryn jalǧa alǧan saudagerler tūraq aqysyna qatysty sözge kelıp qalǧan. Daudyŋ arty janjalǧa ūlasyp, oq atylǧan", - dedı PD baspasöz qyzmetı.
Polisiia küdıktılerdı bırden ūstaǧan.
"Būl derektı Äuezov audandyq polisiia bölımı QR QK 293-babynyŋ 3-tarmaǧy boiynşa sotqa deiıngı tergeu reestrıne tırkedı. Gazben atatyn tapanşa tärkılenıp alynyp, ballistikalyq saraptamaǧa jıberıldı. Qylmystyq ıs aiasynda sot-medisinalyq saraptamasy taǧaiyndaldy. Soǧan säikes jaraqat alǧan adamdardyŋ densaulyǧyna keltırılgen ziian därejesı anyqtalatyn bolady", - dedı polisiia departamentınıŋ baspasöz qyzmetı.
"Adyrna" ūlttyq portaly
