Türkıstan oblysy Kentau qalasyna qarasty Şornaq auylyndaǧy töbeleske qatysty resmi mälımet şyqty.
Oqiǧa 21 şılde künı tünde bastalǧan. Äleumettık jelıdegı videolar qoǧamnyŋ aşu-yzasyn tudyruda.
"21.07.2020 jyly tüngı saǧat 01:00 şamasynda Kentau qalalyq PB-nıŋ kezekşı bölımıne jergılıktı tūrǧynnan, özın jäne tuystaryn auyldastary ūryp-soqqandyǧy turaly habarlama kelıp tüsken. Būl jait QPB-ne tırkeldı. Oqiǧa ornyna şūǧyl Türkıstan oblysy PD basşylyǧy bastaǧan jedel-tergeu toby şyqty. Poliseiler jürgızgen jedel-tergeu ıs-şarasy barysynda anyqtalǧandai, auyl köşelerınıŋ bırınde er adam men auyldasynyŋ arasynda tüsınbeuşılık oryn alǧan. Arada bıraz uaqyt ötken soŋ, jäbırlenuşınıŋ üiıne bırneşe avtokölıktermen belgısız tūlǧalar kelıp, onyŋ üiı men körşılerınıŋ aulasyna qarai tas laqtyryp, sodan belgısız baǧytqa jasyrynǧan. Jäbırlenuşınıŋ 3 tuysy jaraqat alǧan. Olarǧa medisinalyq kömek körsetıldı. Oqiǧa ornyna bırınşı bolyp jetken Kentau QPB-nıŋ uchaskelık inspektory da jaraqat alǧan. Uchaskelık polisiia inspektory Nūrlan Qūralbaev tūrǧyndardyŋ qaru qoldanuyna jol bermegen. Jedel-ızdestıru ıs-şarasy nätijesınde jedel uäkılder 4 küdıktı tūlǧany anyqtap, ūstady. Oryn alǧan jaǧdaidyŋ barlyǧy sotqa deiıngı tergeu barysynda anyqtalady, " - dep mälımdedı Türkıstan Oblysynyŋ Polisiia Departamentı.Osy oqiǧaǧa bailanysty jurnalist Oljas Mamyr anyqtaǧan aqparat boiynşa, Almas esımdı jıgıt İftarhar degen jıgıttı mas küiınde toqtatqan.
Oljas Mamyr, jurnalist: Türkıstan oblysy Qosmezgıl auylynda tüngı 12 şamasynda üiıne qaityp kele jatqan İftihar esımdı tūrǧynyna osy auyldyŋ Almas esımdı jıgıtı mas küide toqtatyp, tiısken. Nätijesınde ekeuınıŋ arasynda kikıljıŋ tuyp, İftihar öz kölıgıne otyryp, üiıne ketıp qalǧan. Almas öz joldastaryna İftihar ony soqqyǧa jyqty dep aitqan. Auyl jıgıtterı jinalyp, Almastyŋ sözıne erıp İftihar men onyŋ tuystarynyŋ üiıne tas laqtyryp, dene jaraqattaryn salǧan. Mas küide ūlt arasyna ot saluǧa bolmaidy. Istıŋ anyq kanyǧyn bılıp äreket jasaiyq aǧaiyn!!!!
"Adyrna" ūlttyq portaly
Ūqsas jaŋalyqtar
