Advokat Abzal Quspan Batys Qazaqstan oblysy dene shynyqtyrý jáne sport basqarmasynyń burynǵy basshysy Múslim Ońdaǵanovtyń óz úıinde ustalǵan sátine kýá boldy. Ol eks-sheneýniktiń zań aıasynda shartty túrde merziminen buryn bosatylǵanyn málimdedi. Bul týraly "Adyrna" tilshisi 1991.qaz-ǵa silteme jasap habarlaıdy.
⠀
"Múslim Ońdaǵanov zattaryn jınap, túzetý mekemesine qaıta barýǵa daıyndalyp jatqan. Osyǵan qaramastan, jasaq qyzmetkerleri esikti syndyryp, úıge bas kóktep kirip, onyń januıasyn, sonymen qatar 64 jastaǵy zeınetker úlken aǵasyn jerge jatqyzyp, basyna avtomat taqady.
⠀
Olar bolyp jatqa oqıǵadan qorqyp, jylaǵan kishkentaı balalarǵa da aıaýshylyq bildirmedi. Osy jaǵdaıdan keıin keıbir zattar syndy, al keıbireýleri múlde joǵalyp ketti", - dep aryzdandy Abzal. Quspan. Sonymen qatar advokat 135 mıllıon teńge keltirilgen shyǵynnyń 51 mıllıon teńgesin tólegenin atap ótti.
⠀
"Zalaldyń jalpy somasynyń tólenbegen bóligi 67 mıllıon teńge emes, odan áldeqaıda az. Men usynǵan jáne is materıaldarynda sottalǵan basqa adamdarǵa, Bekarystanov pen Jetpisovke qatysty qaýly bar, olar keltirilgen zalaldyń bir bóligin tólep, shartty túrde bosatylǵan. Sondaı-aq, aı saıyn olardyń jalaqysynyń bir bóligin sot oryndaýshylary ustap qalady", - dedi túsindirdi advokat Abzal Quspan.
⠀
Eske sala ketsek, birneshe kun buryn Batys Qazaqstan oblysy sport basqarmasynyń burynǵy basshysy Múslim Ońdaǵanov túzetý mekemesinen shartty túrde merziminen buryn bostandyqqa shyqqany týraly aqparat shyqqan edi. Alaıda keshe onyń qaıtadan qamaýǵa alynǵany belgili boldy.
Batys Qazaqstan oblysy sport basqarmasynyń burynǵy basshysy 12 jylǵa bas bostandyǵynan aıyrylǵan bolatyn.
"Adyrna" ulttyq portaly
