Qazaqty mazaq etken «Borattyŋ» tüsırılgenıne biyl 14 jyl tolady. Şyny kerek, film elımızdıŋ bedelıne ülken nūqsan keltırıp, namysymyzdy aiaqqa taptady. Älem bızdı jabaiy,nadan ūlt retınde tanydy. Būl küieden arylu üşın Qazaqstanǧa bıraz jūmys atqaruǧa tura keldı. Äreŋ degende syrtqy imidjımızdı jaqsarttyq pa desek, qaidam.. Erte quanyppyz. Künı keşe şeteldık BAQ «Borat-2» filmınıŋ tüsırılıp bıtkenın habarlady. Ol tıptı industriiadaǧy taŋdauly adamdarǧa körsetılıptı-mys. Būl aqparatty körşıles Resei,Qyrǧyzstan elderı de jarysa jazdy. Bızdıŋ bilık nege ünsız, älde mazaqqa etımız üirenıp kettı me?
«Oskarǧa» ūsynylǧan film
Tüsırılımı Rumyniiada ötken «Borat» filmınıŋ tūsauy 2006 jyldyŋ 1 qaraşasynda Belgiiada kesılgen edı. Keiınnen ol AQŞ pen Kanadada, sondai-aq, Europanyŋ 14 elınde körsetıldı. Tuyndy älemdık kinoprokattan 262 million dollar paida tapqan. Eŋ soraqasy, ol «üzdık ikemdelgen ssenarii» nominasiiasynda «Oskarǧa» ūsynyldy.
Qazaqstanda būl filmnıŋ prokatyna tyiym salyndy. Alaida, elektrondyq saudamen ainalysatyn «Amazon» kompaniiasy «Borat» taspalanǧan diskterge degen tapsyrys köptıgın habarlaǧan edı. Būl aqparat tuyndynyŋ taralmauyna tosqauyl qoia almaǧanymyzdy däleldedı.
Äzırge «Borat-2» filmınıŋ qaşan jaryqqa şyǧatyny belgısız. Keibır derekközder kinokartinanyŋ premerasy AQŞ-taǧy jaŋa prezidenttık sailauǧa deiın bolady dep boljauda.
Jaŋa filmnıŋ tüsırılgenın estıgen otandastarymyz äleumettık jelıde öz narazylyqtaryn bıldırdı. Nūrqanat Qairat esımdı aqyn:
«Qazaqtyŋ qorlap jatyr ūltyn būlar,
Saudasyn sauatsyzdyŋ kım tyŋdyrar.
Bır qazaq şyqpady ma aramyzdan,
Bır-bırlep būl sorlynyŋ mūrtyn jūlar?»-dese, Atlas Art aty-jönımen tırkelgen oqyrman:«Namyssyz adamdar «qaljyŋ» dep baǧalar, turistık oryndar «paida» tabar, degenmen ūlttyq namys bärınen de joǧary. Nege bız filmnıŋ jaryqqa şyqpauyna halyqaralyq därejede tyiym salmaimyz?»-dep öz ūsynysyn bıldırdı.
«Qazaqtar jylqynyŋ zärın ışedı»
2016 jyly Qyrǧyzstanda jūmys jasaityn Maikl Makfit esımdı britan azamaty qazyny jylqynyŋ jynys müşesıne teŋep, el aşuyn tuǧyzǧan edı. Dese de, qyrǧyz bauyrlarymyz bırden äreketke köşıp, şeteldıktı elden quyp şyqty. Al bız «Qazaqtar jylqynyŋ zärın ışedı, syǧandarǧa aŋşylyq qūrady» dep jahanǧa jalǧan aqparat taratqan Borattyŋ ıs-äreketıne älı de bolsyn köz jūmumen kelemız. «Qoi auzynan şöp almas» mınezımızden qaşan qūtylar ekenbız?!
Diana ASAN,
«Adyrna» ūlttyq portaly
Ūqsas jaŋalyqtar
