BǦM joǧary oqu oryndarynyŋ 2020 jylǧy reiting qorytyndylaryn jariialady, dep habarlaidy «Adyrna» tılşısı ministrlıktıŋ baspasöz qyzmetıne sılteme jasap.
Zertteu jūmystaryn QR Bılım jäne ǧylym ministrlıgınıŋ tapsyrysy boiynşa jūmys beruşılerdıŋ qatysuymen "Atameken" Ūlttyq käsıpkerler palatasy jürgızdı. Reitingke IIM, ŪQK jäne Qorǧanys ministrlıgıne baǧynyşty JOO-lardan basqa elımızdıŋ barlyq joǧary oqu orny qatysty.
Reitingtı jasau barysynda tülekterdıŋ jūmysqa ornalasu körsetkışterı, joo-nyŋ bılım beru baǧdarlamalarynyŋ sapasy jäne bılım aluşylardyŋ jetıstıkterı eskerıldı. Zertteu nätijelerı boiynşa 2020 jyly tülekterdı jūmysqa ornalastyrudyŋ ortaşa krsetkışı ötken jyldar deŋgeiınde qalyp otyr jäne 71%-dy qūraidy. Mamandandyrylǧan agenttıkterde bılım beru baǧdarlamalarynyŋ 73%-y akkredittelgen, oqytuşylardyŋ 72%-y praktikalyq täjıribege ie. Sondai-aq 36 joo studentterı startap-jobalaryn ıske asyrdy.
Jalpy, jūmys beruşılerdıŋ bılım beru baǧdarlamalarynyŋ sapasy men özektılıgıne qanaǧattanu deŋgeiı 2018 jylǧy körsetkıştermen salystyrǧanda üşten bırge artty. Joǧary oqu oryndaryna berılgen akademiialyq erkındık jūmys beruşılerdıŋ qatysuymen bılım beru baǧdarlamalaryn derbes äzırleuge mümkındık berdı. Nätijesınde bılım beru baǧdarlamalarynyŋ sapasy jaqsarǧany baiqalady. Şeteldık agenttıkterde mamandandyrylǧan akkreditteuden ötken baǧdarlamalar sany 8,2%-ǧa artty.
Jūmys beruşılerdıŋ pıkırı boiynşa 2020 jyldyŋ autsaiderlerı:
«Syrdariia» universitetı;
Şymkent universitetı;
Halyqaralyq gumanitarlyq-tehnikalyq universitetı;
«Astana» universitetı;
Taraz innovasiialyq-gumanitarlyq universitetı;
Akademik A.Quatbekov atyndaǧy Halyqtar dostyǧy universitetı;
Şet tılder jäne ıskerlık karera universitetı;
Qazaq-Orys halyqaralyq universitetı;
Qyzylorda q. «Bolaşaq» universitetı;
«Aqmeşıt» gumanitarlyq-tehnikalyq instituty.
– "Syrdariia" universitetı, Şymkent universitetı, Halyqaralyq gumanitarlyq-tehnikalyq universitetı jäne "Astana" universitetı üşınşı jyl qatarynan autsaiderler qatarynda. Reiting nätijelerı qosymşa kriterii retınde joǧary bılımı bar kadrlardy daiarlauǧa memlekettık bılım beru tapsyrysyn bölu kezınde eskerıledı. Biyl alǧaş ret memlekettık tapsyrys 36 joǧary oqu ornynda ornalastyrylǧan joq", – dep atap öttı QR BǦM Bılım jäne ǧylym salasynda sapany qamtamasyz etu komitetınıŋ töraiymy Gülzat Köbenova.
«Adyrna» ūlttyq portaly
