Biyl Qadır tünınde meşıtte oryndalatyn dıni räsımder onlain rejimde ötedı. Būl turaly Qazaqstan mūsylmandary dıni basqarmasy mälımdedı, dep habarlaidy "Adyrna" ūlttyq portaly Sputnik Qazaqstan saityna sılteme jasap.
"Elımızdegı jäne älemdegı köptegen qoǧamdyq ıs-şara men jiyndar onlain rejimde ötıp jatyr. Onyŋ basty sebebı pandemiialyq jaǧdaidy odan saiyn kürdelendırmeu ekenı belgılı. Öitkenı jūqpaly dertpen oqşaulanu arqyly ǧana küresudıŋ maŋyzy kün saiyn artuda. Qazaqstan mūsylmandary dıni basqarmasy elımızdegı pandemiialyq jaǧdaidy eskerıp, qauıptı derttıŋ taraluyn aldyn alu üşın qasiettı Qadır tünınde meşıtte oryndalatyn dıni räsımder onlain rejımde ötetının habarlaidy", - delıngen dıni basqarma taratqan aqparatta.Sondai-aq dın salasynyŋ mamandary Qadır keşın üide ötkızuge şaqyrdy. Halyqtyŋ densaulyǧy men ömırı bärınen qymbat qūndylyq bolǧandyqtan, osyndai uaqytşa şeşımdı dūrys qabyldaularyŋyzdy jäne tärtıpke baǧynularyŋyzdy sūraimyz, dedı basqarma ökılderı. Oqi otyryŋyz: Qazaqstanda jūma namazyn oquǧa rūqsat berıldı Osylaişa Qadır tünınde otandyq telearnalar men "Halyq arna", "Hikmet TV" jäne muftyat.kz saitynyŋ äleumettık jelıdegı paraqşalarynda arnaiy onlain baǧdarlama körsetıledı.
"Qasietı mol qadır tünı" onlain baǧdarlamasynda belgılı ǧalymdar uaǧyz-nasihat aitady. Sondai-aq Qūran hatym dūǧasyna qatysuǧa mümkındık bar.Sonymen qatar qazaqstandyqtar dıni basqarma janyndaǧy aqparat beru ortalyǧynan 8 7172 33 30 30 nömırıne habaralasyp, täulık boiy qyzyqtyrǧan saualdy qoia alady. Aita keteiık, 2021 jyly Ramazan aiy 13 säuırde bastaldy. Qasiettı ai 12 mamyrǧa deiın jalǧasady. 8 mamyrdan 9 mamyrǧa qaraǧan tün – Qadır tünı.
Ūqsas jaŋalyqtar
