— Osy oqıǵaǵa baılanysty mınıstrlik jaǵdaıdan beıhabar bolǵan mektep dırektoryn qyzmetinen bosatýdy tapsyrdy. Ekinshiden, osyndaı sumdyqqa jol bergen mektep pedagogteri arasynda zertteý jumystaryn júrgizý kerek. Sondaı-aq zarlap shekken bala men onyń otbasyna psıhologııalyq kómek kórsetilýi tıis. Mundaı jaǵdaıdyń qaıtalanbaýy úshin óńirde jan-jaqty júıeli jumystar atqarý kerek, — dedi jıynda BǴM Balalardyń quqyqtaryn qorǵaý komıtetiniń tóraǵasy Esenǵazy Imanǵalıev.
Al respýblıkalyq qosymsha bilim berý oqý-ádistemelik ortalyǵynyń dırektory, QR Bilim jáne ǵylym mınıstriniń balalardyń quqyqtaryn qorǵaý máseleleri jónindegi keńesshisi Raısa Sher sońǵy kezde Aqtóbede balalar arasyndaǵy zorlyq-zombylyq derekteriniń kóbeıgenin aıtty.
— Osy óreskel oqıǵa týraly habarlaǵan jýrnalısterge raqmet. 4 aı boıy oqıǵa jaıynda tis jarmaǵan mektep ákimshiliginiń isi zańmen qýdalanatynyn aıtqym keledi. Olar birinshi bop dabyl qaǵýy kerek edi. Alaıda biz muny jýrnalısterden bildik. Eń ókinishtisi, mektep basshysy bul jaǵdaıǵa baılanysty balanyń ata-anasymen oqý jylynyń sońyna deıin esh baılanys ornatpaǵan, — dedi ol.
Aıta ketý kerek, Bas prokýratýranyń deregine súıensek, balalar arasynda jasalatyn qylmys jaǵynan Aqtóbe oblysy aldyńǵy orynda tur.
"Adyrna" ulttyq portaly.
