BIR KEM DÜNİE...
Dünie bır kem degenı,
Şyndyqtyŋ jerde joqtyǧy.
Aştyqtan kedei talyqsyp,
Kekırgen baidyŋ toqtyǧy.
Dünie bır kem degenı,
Ädıldıktıŋ joqtyǧy.
Kün üşın jürgen kedeige,
Bailardyŋ aitqan boqtyǧy.
Dünie bır kem degenı,
Aqiqattyŋ joqtyǧy.
Elım dep tuǧan estıden,
Essızderdıŋ köptıgı.
Dünie bır kem degenı,
Qūndylyqtyŋ joqtyǧy
Dästür men tıldı ūmytqan,
Mäŋgürtterdıŋ köptıgı.
Dünie bır kem degenı,
Qanaǧattyŋ joqtyǧy.
Halı müşkıl qaradan,
Jemqorlardyŋ köptıgı.
Dünie bır kem degenı,
Bılımnıŋ bızde joqtyǧy.
Jaŋalyq aşar ǧalymnan,
Zalynyŋ biık şoqtyǧy.
Dünie bır kem degenı,
Aq pen qara egesı.
Jaqsynyŋ mıngen atynan,
(Jaqsynyŋ ūşqyr oiynan,)
Jamannyŋ ozǧan esegı.
(Jamannyŋ ozǧan esebı.)
Dünie bır kem degenı,
Jastyqtyŋ däuren ötkenı,
Taiaǧyna süienıp,
Aiaŋdap qarttyq jetkenı.
Dünie bır kem degenı,
Meiırım ketken adamnan.
Qu dünie üşın ınısı,
Aǧasyn alǧan jaǧadan.
Dünie bır kem degenı,
Ar-ūiat ketken sanadan,
Töl-tılın bılmei ölgenşe,
Baqilyq boldy qanşa adam.
Dünie bır kem degenı,
ŞERHANNYŊ tartqan,
Şer-mūŋy.
Azǧantai qara qazaqtyŋ,
Qasıretınıŋ köptıgı.
QŪLYQ JOQ ZAMAN, QAITEIIN...
Baqyr bastyŋ erkındıgın, qaiteiın...
Qasyqtai tılım qansyrap jatsa.
Sanauly baidyŋ şalqyǧanyn, qaiteiın...
Qaraiǧan halyq nan sūrap jatsa.
Darhan dalamnyŋ keŋ ekenın, qaiteiın...
Tulaqtai jer de būiyrmai jatsa.
Elde joq bailyq köp ekenın, qaiteiın...
Jegı qūrt jemqor asyrmai jatsa.
Alaşymnyŋ arly ekenın, qaiteiın...
Qazaqty qazaq alalap jatsa.
Körşılerdıŋ «ūly» ekenın, qaiteiın...
Saiasatymen sabalap jatsa.
Jüz otyz ūlys köp ekenın, qaiteiın...
Basyŋa şyǧyp basynyp jatsa.
Kökelerdıŋ köp ekenın, qaiteiın...
Kösegesın eldıŋ kögertpei jatsa.
Deputattardyŋ «Ant» bergenın, qaiteiın...
Öz Ana-tılın ejelep jatsa.
Äkımderdıŋ «uädesın», qaiteiın...
Şarşaǧan Halyq nala bop jatsa.
Aqyndardyŋ «Aduynyn», qaiteiın...
Maqtaumen ösıp dara bop jatsa.
Änşılerdıŋ «äuelegenın», qaiteiın...
Jarapazany jarnama bop jatsa.
Baǧylandardyŋ batyldyǧyn, qaiteiın...
«Kök qaǧazǧa» bas ūryp jatsa.
Analardyŋ aşynǧanyn, qaiteiın...
«Talaby» özıne jala bop jatsa.
El sengen jastyŋ jalyndaǧanyn, qaiteiın...
«Ata-saltyŋa» tas ūryp jatsa.
Bala-baqşanyŋ bar ekenın, qaiteiın..
Baldyrǧan tılı şala bop jatsa.
Aryz-armannyŋ köp ekenın, qaiteiın...
Ädıldık tappai «qaza» bop jatsa.
Qazaqtyŋ qara ūly ekenımdı, qaiteiın..
Halqymnyŋ mūŋy mazalap jatsa.
Ömırde myna tırı ekenımdı, qaiteiın...
Indetten Halqym qaza bop jatsa.
Qaiteiın endı qasıretıŋdı, qaiteiın..
Qasietım qara bop jatsa.
Taŋ qalmaŋdar.
Osy jazǧanym,
Ainalyp kelıp «päle» bop jatsa.
QAZAQ...
Qazaq menıŋ Halqym,
Qazaq menıŋ Qalpym.
Qazaq menıŋ Janym,
Qazaq menıŋ Qanym.
Qazaq menıŋ Babam,
Qazaq menıŋ Anam.
Qazaq menıŋ Sanam,
Qazaq menıŋ Saltym.
Qazaq menıŋ Zatym,
Qazaq menıŋ Tegım.
Qazaq menıŋ Tılım,
Qazaq menıŋ Dılım.
Qazaq menıŋ Ör ruhym,
Qazaq menıŋ Namysym.
Qazaq menıŋ Atym.
Qazaq menıŋ Senıŋ,
Qazaq degen Elıŋ!
EL ERTEŊI JASTARDA...
Täuelsızdık tūǧyrym,
Jelbırer mäŋgı kök tuym.
Jalyndaǧan jastarym,
Tektı bop tuǧan ūl-qyzym,
Men senderge senemın.
Aqyl oidyŋ kemelı,
Ar-ūjdannyŋ semserı.
Estıden tuǧan estı bop,
Men jastarǧa senemın.
Asyldyŋ qalǧan synyǧy,
Tūlpardai bekem tūiaǧy,
Qyrandaiyn qyraǧy.
Men jastarǧa senemın.
El men jerdıŋ taǧdyry,
Ana tıldıŋ qal-mūŋy.
Qabyrǧaŋdy sögerdei,
Özıŋdı tırı kömerdei,
Salt-sanaŋdy qor qylyp,
Özın senen zor qylyp.
Erkekpen erkek tabysyp,
Äielge äiel jabysyp,
Teke saqal dın būzar.
Sanaŋdy ulap salt būzyp,
Kelemız ätteŋ, sandy ūryp.
El bilıgı enjar ma?
Joq sanasy kemtar ma?
Jol berıp qarap otyrar,
Şyǧatyn basqa jol barma?
Ainalaiyn jastarym,
Jäi otyndai jarqyldap.
Jūldyzdaiyn jamyrap,
Qaraŋǧy myna jūrtyŋa,
Kün bolyp tuşy jarqyrap.
Bolaşaq senıŋ qolyŋda,
Bız senderge senemız!
KIM BOLAMYZ?
Elımdı ez qorlasa,
Kım bolamyz?
Üŋgırde ūltyn süigen,
Bız bolamyz.
Tük körmei qaraŋǧyda
Jürsek taǧy,
Sanasy jarqyraǧan,
Bız bolamyz.
Mäŋgürtter aitty eken dep,
Bır jaman söz.
Jamanmen jaǧalassaq,
Kım bolamyz?
Erıŋdı er qoldasa,
El bolamyz.
Bereke bırlık artyp,
Bır bolamyz.
Jaqsyny jaqsy desek,
Qadırlesek,
Alaşym Qazaq bolmai,
Kım bolamyz?!
Elıŋdı er qorǧasa,
El bolamyz.
Erlerı elım deitın,
Er bolamyz.
Qazaqty Qazaq süise,
Jalǧyzym dep,
Qazaǧym «Alaş» bolmai,
Kım bolamyz?!
Namysyŋ biık bolsa,
Tu bolamyz.
Ruhyŋ asqaqtasa,
Şyŋ bolamyz.
Ana tılı,
Aman bolsa,
Täuelsız mäŋgılıkke,
El bolamyz!
OIаN QAZAQ...
Oian qazaq!
Bır ǧasyr, ūiqtap jatqan.
Men emespın, Mırjaqyp,
Qadap aitqan.
Tırlık qaida?
Yntymaq, bırlık qaida?
Tırı adamǧa jaramas,
Ünsız jatqan.
Oian qazaq!
Tılı qaida anamnyŋ tıldesetın.
«Qazaqpyn!» - dep jarqyrap,
Kün keşetın.
Tıl joq jerde, tırlıgıŋ
Tırlık emes,
«Ünıŋ qaida?» - ünıŋmen,
Tıldesetıŋ.
Ruh qaida boidaǧy,
Namys qaida?
Ūiat qaida?
Ūjdandy, oiatpai ma?
Esınep, estı jimai
Älı jürsıŋ,
Būl «Qazaqtyŋ» ǧasyrda
Taŋy atpai ma?!
Oian Qazaq!
Boi tüze,
Oiǧa batpa.
Bır Alla beredı - dep,
Qarap jatpa.
Öner üiren, bılım al,
Bılıktı bol.
Namysyŋdy kün üşın,
Nanǧa satpa.
Oian Qazaq!
Ötkennen, sabaq alda.
Tüsu kerek bolaşaq,
Dara jolǧa.
Elıŋ jerıŋ tūrǧanda,
Ekelenbei,
Köşımızdı bastaiyq,
Sara jolǧa!!!
QAZAQ DEGEN, ALAŞ DEGEN BIZ EDIK...
Qazaq edık tarihyn tasqa oiǧan,
Alaş edık atoilap, atqa qonǧan.
Qazaq edık ör edık, örşıl edık,
Bermep edık namysty, jatqa qoldan.
Qazaq edık aibyndy asqar edık,
Alaş edık özgeden, asqaq edık.
Qazaq edık Börı edık, erkın edık,
Alaş edık Qyrandai qyraǧy edık.
Qazaq edık tūlpary, toptan ozǧan,
Alaş edık aqyly, jūrttan ozǧan.
Qazaq edık däm-tūzyn aqtai bılgen,
Alaş edık dästürdı saqtai bılgen.
Qazaq edık qamşysy dau qaiyraǧan,
Alaş edık qylyşy jau qaiyrǧan.
Qazaq edık küş alǧan tau-tasynan,
Alaş edık ölmegen san ǧasyrdan.
Qazaq edık aŋqyldaq, aŋǧal edık,
Alaş edık meirımdı, qormaly edık.
Qazaq edık jauyna qatal edık,
Alaş edık dostyqqa adal edık.
Qazaq edık elıne qorǧan edık,
Alaş edık saialy orman edık.
Qazaq edık qūrǧyr-ai qūl da boldyq.
Alaş edık «Arys» bop torda öldık.
Qairan menıŋ «Jeltoqsan» bozdaqtarym,
Erlıgıŋmen Egemen elde boldyq.
Täuelsızbın qasterlı tılım qaida?!
Erlık jasar el deitın erım qaida?!
Men seneiın «jaqsy söz jarym yrys».
Bolaşaqqa seneiın, senım barma?!
KÖKEIDEGI BIR SŪRAQ?
Kökeidegı bır sūraq,
Salmaǧy auyr zıl sūraq.
Etekte qaldy Qairan tıl,
Töbesınen qūz qūlap.
Tırı bop tuǧan Alaşym,
Tılı joq ätteŋ, myŋ sūraq?!
Otyz jyl öttı tılıŋ joq,
Özgeden sorly boldyq pa.
Estı bop tuǧan el edık,
Ez bolyp qaita tudyq pa.
Törde otyrǧan ūldardyŋ,
Sanasy ätteŋ qūldyqta!
NE DEISIŊ TAǦY NE DEISIŊ?...
Abaisyzda sürınseŋ,
Qūladyŋ deisıŋ...
Qazaqtyŋ şertsem
Şer-mūŋyn,
Jyladyŋ deisıŋ...
Namysym tūrsa yşqynyp,
Tuladyŋ deisıŋ...
Bır sätke ünsız joǧalsam,
Tūrmadyŋ deisıŋ...
Tılım üşın tıl qatsam,
Tılemşı deisıŋ...
Ūltym üşın ün qatsam,
Ūranşyl deisıŋ...
Joǧymdy tappai sūrasam,
Sūramşy deisıŋ...
Türkınıŋ aitsam bırlıgın,
«Tūranşyl» deisıŋ..
Şyndyqty aitsam şyryldap,
Şulattyŋ deisıŋ...
Allany alsam auzyma,
«Qūranşyl» deisıŋ...
«Aruaqty» aitsam babalap,
Täŋırşıl deisıŋ....
Özımmen özım küi keşsem,
Özımşıl deisıŋ...
Tegımdı aityp qaiteiın,
Ruşyl deisıŋ...
Ūl bolyp jeseŋ ūlt qamyn,
Eee-ei.. ŪLTşyl deisıŋ.
Menı qoişy eleusız
jäi pendemın.
Ūly Abai men Mūqaǧali,
Ne körmedı!
Zarina ÄŞIRBEK,
"Adyrna" ūlttyq portaly
