Memleket basshysy Qasym-Jomart Toqaev halyqaralyq konferenııanyń ashylýymen quttyqtady, dep habarlaıdy Aqorda resmı saıty.
“Barshańyzdy «Ulyq Ulys – Altyn Orda» atty halyqaralyq konferenııanyń ashylýymen quttyqtaımyn!
Bul alqaly jıyn Táýelsizdigimizdiń 30 jyldyq mereıli belesine oraı ótkizilýde. Altyn Ordanyń tarıhy qazirgi Qazaq memlekettiginiń jylnamasymen tyǵyz baılanysty. Áıgili Joshy han kesenesi men Saraıshyq qalasynyń Qazaqstan aýmaǵynda ornalasýy jáne shetel muraǵattarynan kóptegen jazba derekterdiń tabylýy – osynyń aıqyn dáleli.
Shyn máninde, Altyn Ordanyń tarıhy áli de tereń zertteýdi qajet etedi. Túrli sebepterge baılanysty tól shejiremizdiń osy birneshe ǵasyrlyq kezeńi nazardan tys qaldy. Elimiz egemendigin alǵannan keıin ǵana bul olqylyqtyń ornyn toltyrýǵa jol ashyldy.
Elbasynyń bastamasymen qolǵa alynǵan aýqymdy baǵdarlamalar jurtymyzdyń tarıhı sanasyn jańǵyrtýǵa zor úles qosty.
Sanmyń jyldyq shejiremizdegi sabaqtastyq jalǵasyn taýyp, ulttyq rýhymyz bıikteı tústi.
Biz Altyn Orda dáýirinen jetken qundy jádigerlerdi dúnıe júzine tanytyp, ony týrızm salasyn damytý úshin tıimdi paıdalanýymyz kerek. Jaıyq jaǵasyndaǵy jáne Ulytaý baýraıyndaǵy kóne eskertkishter men zamanaýı keshender buǵan tolyq múmkindik beredi.
Tarıhyn túgendep, odan taǵylym ala bilgen eldiń tamyry berik bolady. Altyn Orda kóptegen baýyrlas elderdiń taǵdyrynda da aıryqsha iz qaldyrǵan. Sondyqtan, halyqaralyq ǵylymı qaýymdastyqtyń aldynda ortaq shejiremizdi birlese zertteý mindeti tur.
Búgingi basqosýda ǵalymdarymyz tyń derekter men salmaqty oı-pikirlerin ortaǵa salady dep senemin.
Konferenııa jumysyna tabys tileımin!”,- dedi Toqaev resmı saıtta jarııalanǵan jazbada.
”Adyrna” ulttyq portaly
