Qazaqty tazysynan aıyrý teginen aıyrýmen birdeı

1605

«Ońtústik Qazaqstan» gazetiniń jazýynsha, babamyz jeti qazynanyń biri retinde qurmetpen qaraǵan tazyny keıbir atalarymyz ıtke jatqyzbaǵan eken. Ózge ıtti úıdiń mańyna jolatpasa da, tazyny úıdiń tórine shyǵarǵan.

«Óıtkeni, kezinde tazylar bútin bir áýletti asyraǵan. Talaı aýyl áýeli Qudaı, sosyn tazylardyń arqasynda ashtyqtan aman qalǵan. Tazy taqyr kedeı ıesin otbasymen birge ashtan óltirmegen. Tazyny jaqsy kórý, oǵan degen qurmet qazaqtyń boıynda áli de bar» dep jazady maqala avtory.

Belgili bolǵanyndaı, tazynyń taǵdyryna nemquraıdy qaramaıtyn birqatar azamattar «Ońtústik tazylary» degen qoǵamdyq birlestik qurǵan eken. Maqala da negizinen osy birlestik jaıynda. Aıta keterligi, birlestik qurýdaǵy maqsat tazylar sanyn kóbeıtý, tuqymyn tazalaý, tirkeý jaǵynan qujattaryn retteý sekildi jumystardy qamtyǵanymen, túpki ózegi «qazaq ózimdiki dep sanap kelgen tazydan aırylyp qalý qaýpiniń» aldyn alý sekildi.

«Tazyǵa qazir orystar men túrikter «quda túsip» jatyr. Orystar tipti ózderiniki ekenin rastaıtyn qujattardy qattap, daıyndap qoıypty. Túrikter de qujat boıynsha resimdeý jaǵynan pysyqtyq tanytyp otyr. Qazaqtar kelisimin berse, Sultan tazy degen atpen ózderine menshiktep almaq oılary bar. Tazyny qazaq óziniń atyna patenttep alý úshin Belgııadaǵy halyqaralyq kınologııalyq federaııaǵa tirketý qajet. Bul uıym qazaqtyń tazysyn qazaqtyń atyna tirkep berý úshin Qazaqstanda tazynyń sany myńnan asýy qajet jáne shejiresi jaǵynan 7 atasy da tolyq bolýy tıis. Qazirgi tańda osy baǵytta jumystar júrgizilip jatyr» depti birlestiktiń beldi múshesi Qajymurat Kúlpeshov.

Maqalada qazaq tazysynyń erekshelikteri, onyń basqa ańshylyq ıtterden aıyrmashylyǵy, onymen qatysty ańyzdar da aıtylady. Birlestik múshelerin sóılete otyryp, avtor qazaqtyń ańshylyq dástúriniń kenje qalyp bara jatqan tustaryna qynjylys bildiredi. Tazynyń qasıetine toqtala kele: «Qazaqtar tazyny quny jetpes qazyna dep eseptegen. Erterekte bir tazymen qyzdyń qalyńmalyn ótegen jaǵdaılar da bolǵan eken. 47 jylqyǵa satylǵan tazylar bolǵan» dep te qaıyrady. «Biz álem qansha jerden tehnologııalyq damýdy bastan keshirse de ózimizdiń ulttyq salt-dástúrimizdi umytpaýǵa tıispiz. Jadymyzda saqtap qana qoımaı, ony kúndelikti ómirde de qoldanyp, urpaqty soǵan qaraı beıimdep otyrýymyz kerek. Qazaqtyń tazysy, saıatshylyq óneri bul da ulttyq kodymyzdyń bir túri. Qazaqty tazysynan aıyrý teginen aıyrýmen birdeı. Osyny umytpaıyq» dep túıindeıdi avtor.

 

Pikirler
Redakııa tańdaýy