«Oŋtüstık Qazaqstan» gazetınıŋ jazuynşa, babamyz jetı qazynanyŋ bırı retınde qūrmetpen qaraǧan tazyny keibır atalarymyz itke jatqyzbaǧan eken. Özge ittı üidıŋ maŋyna jolatpasa da, tazyny üidıŋ törıne şyǧarǧan.
«Öitkenı, kezınde tazylar bütın bır äulettı asyraǧan. Talai auyl äuelı Qūdai, sosyn tazylardyŋ arqasynda aştyqtan aman qalǧan. Tazy taqyr kedei iesın otbasymen bırge aştan öltırmegen. Tazyny jaqsy köru, oǧan degen qūrmet qazaqtyŋ boiynda älı de bar» dep jazady maqala avtory.
Belgılı bolǧanyndai, tazynyŋ taǧdyryna nemqūraidy qaramaityn bırqatar azamattar «Oŋtüstık tazylary» degen qoǧamdyq bırlestık qūrǧan eken. Maqala da negızınen osy bırlestık jaiynda. Aita keterlıgı, bırlestık qūrudaǧy maqsat tazylar sanyn köbeitu, tūqymyn tazalau, tırkeu jaǧynan qūjattaryn retteu sekıldı jūmystardy qamtyǧanymen, tüpkı özegı «qazaq özımdıkı dep sanap kelgen tazydan airylyp qalu qaupınıŋ» aldyn alu sekıldı.
«Tazyǧa qazır orystar men türıkter «qūda tüsıp» jatyr. Orystar tıptı özderınıkı ekenın rastaityn qūjattardy qattap, daiyndap qoiypty. Türıkter de qūjat boiynşa resımdeu jaǧynan pysyqtyq tanytyp otyr. Qazaqtar kelısımın berse, Sūltan tazy degen atpen özderıne menşıktep almaq oilary bar. Tazyny qazaq özınıŋ atyna patenttep alu üşın Belgiiadaǧy halyqaralyq kinologiialyq federasiiaǧa tırketu qajet. Būl ūiym qazaqtyŋ tazysyn qazaqtyŋ atyna tırkep beru üşın Qazaqstanda tazynyŋ sany myŋnan asuy qajet jäne şejıresı jaǧynan 7 atasy da tolyq boluy tiıs. Qazırgı taŋda osy baǧytta jūmystar jürgızılıp jatyr» deptı bırlestıktıŋ beldı müşesı Qajymūrat Külpeşov.
Maqalada qazaq tazysynyŋ erekşelıkterı, onyŋ basqa aŋşylyq itterden aiyrmaşylyǧy, onymen qatysty aŋyzdar da aitylady. Bırlestık müşelerın söilete otyryp, avtor qazaqtyŋ aŋşylyq dästürınıŋ kenje qalyp bara jatqan tūstaryna qynjylys bıldıredı. Tazynyŋ qasietıne toqtala kele: «Qazaqtar tazyny qūny jetpes qazyna dep eseptegen. Erterekte bır tazymen qyzdyŋ qalyŋmalyn ötegen jaǧdailar da bolǧan eken. 47 jylqyǧa satylǧan tazylar bolǧan» dep te qaiyrady. «Bız älem qanşa jerden tehnologiialyq damudy bastan keşırse de özımızdıŋ ūlttyq salt-dästürımızdı ūmytpauǧa tiıspız. Jadymyzda saqtap qana qoimai, ony kündelıktı ömırde de qoldanyp, ūrpaqty soǧan qarai beiımdep otyruymyz kerek. Qazaqtyŋ tazysy, saiatşylyq önerı būl da ūlttyq kodymyzdyŋ bır türı. Qazaqty tazysynan aiyru tegınen aiyrumen bırdei. Osyny ūmytpaiyq» dep tüiındeidı avtor.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz