Kerı bailanys
+7 707 676 6977
adyrnaportal@gmail.com

Anardyŋ oiynşyqtaryna Ündıstan, Afrika, Türkiia, Resei elınen tapsyrys tüsken

3224
Adyrna.kz Telegram
http://adyrna.kz/content/uploads/2018/02/anardyn.jpg

Anardyŋ jasy 33-te, Almaty qalasynda tūrady / Foto avtordıkı

Almatylyq Anar Lepesova bes jyldan berı oiynşyq toqumen ainalysady. Özı – ekınşı toptaǧy mügedek. Tört jasynda sklerodermiia diagnozy qoiylǧan.

Buyny auyratyndyqtan Anar köp jüre almaidy. Bıraq soǧan bola taǧdyryna nalyp, ömırıne eşuaqytta ökpe artqan emes. Kerısınşe, oǧan qarap, älemdı meiırımge toltyrǧysy keletın, ainalasyna ızgılıktıŋ şuaǧyn şaşyp jürgen qaisar da näzık arudy köresıŋ.

"Jeltoqsan oqiǧasyna qatysqan äkemdı ülgı tūtamyn"

Ol toǧyzynşy synypqa deiın barlyq bala sekıldı jalpy orta mektepte bılım aldy. Tauǧa şyqqandy jaqsy köretın. Jaŋbyrdan keiın qūrbylarymen saŋyrauqūlaq jinaityn. Toǧyzynşy synypty bıtırıp, qolyna kuälık alǧan soŋ, O.Taŋsyqbaev atyndaǧy Almaty sändık qoldanbaly öner kolledjınıŋ grafikalyq dizainer mamandyǧyna qūjat tapsyrdy. Bıraq oquyn jalǧastyra almady. Densaulyǧy kürt naşarlap, auruhana tösegıne taŋyldy. Ūzaq uaqyt em qabyldady. – Sol jyldary qatty auyrdym. Üi men auruhananyŋ ekı ortasynda jürdım. Kışkentaiymnan suret salǧandy ūnatatynmyn. Dizainer bolamyn degen armanym jaiyna qaldy. Eŋ bastysy – ata-anam men bauyrlarym janymda. Baqyt degen – jaqyndaryŋnyŋ amandyǧy, olardyŋ jüzderındegı külkı jäne qoldauy eken. Üide tört qyzbyz. Men üşınşımın. Ata-anamyz bızdı qatardan kem qylmai ösırdı. Bar jyly-jūmsaǧyn auzymyzǧa tosty. Bala kezden bırge oinap-ösken qūrbylarym qiyndyqta janymnan tabyldy. Sondyqtan şyǧar, özımdı mügedekpın dep, özgelerden özgeşe sezıngen emespın. Äkem Sailau Lepesovtı ülgı tūtamyn. Ol 1986 jyly Jeltoqsan oqiǧasyna qatysqan. Taiaq jep, qamalǧan. Onyŋ aldynda örtenıp jatqan üige qoiyp ketıp, ekı orys qyzdy qūtqaryp qalǧan eken. Sonyŋ öteuı bolar, bır polisiia bosatyp jıberıptı. Bala kezımde "Baldyrǧan" jurnalyn, "Jas Alaş", "Qazaq ädebietı" gazetterın oqytyp qoiatyn, özı de jiı maqalalar jazyp tūrdy. Bızdı asyrau üşın küzetşı bolyp ta ıstedı. Aula da sypyrdy. Qazır jurnalistika salasyna qaita oraldy, – deidı Anar.

"Jarnama qaǧazyn ıluden bastadym"

Anar ata-anasynyŋ qolyna qarap, künūzaq tört qabyrǧaǧa qamalyp, üide otyrǧandy jön körmeidı. Küş-quatyn jinap, jūmys ızdeuge kırısedı. Tabylǧany – köşe-köşenı aralap, aialdamaǧa, podezdge habarlandyru jabystyru. Ūzaq uaqyt adymdap jüre almaitynyn bılse de, amalsyz kelısedı. Öitkenı därı-därmek alu kerek. – Sol kezde "Megalain" men üifonnyŋ saudasy qyzu jürıp jatqan. Künıne 300 qaǧaz beredı. Sony ılıp şyǧuym kerek. Köpqabatty üi töraiymdary men tūrǧyndarynan söz estimın. Künı boiy mejelı jerge jabystyryp ülgeremın dep şarşaimyn. Sondaǧy alatyn kündık tabysym – 600 teŋge. Bıraq būl jūmys maǧan azǧa qanaǧat etudı, qiyndyqqa moiymaudy üirettı. Solai jarnama qaǧazyn ılıp jürıp, bır künı baspaǧa adam ızdep jatqan habarlandyrudy közım şaldy, – deidı Anar.

"Baspahanada ötken bes jylym"

Mekenjaiyn qaǧazǧa türtıp alǧan ol baspahanaǧa barady. Ekı-üş kün täjıribeden ötedı. Bıraq Anardyŋ densaulyǧyna alaŋdaǧan basşylar jūmysqa qabyldaǧysy kelmeidı. Qaisarlyǧynyŋ, tabandylyǧynyŋ arqasynda ǧana ... – Köp mekemeler mümkındıgı şekteulı adamdardy jūmysqa alǧysy kelmeidı ǧoi. Basynda basşylar qoryqty. Keiın bır jaǧdai bolyp qalsa, eşkımge kınä artpaitynymdy jazyp berdım. Sosyn baryp jūmysqa kırıstım. Jūmys taŋǧy 8.00-den keşkı 18.00-ge deiın. Keşıkpei baruǧa janymdy saldym. Jūmysymdy jaqsy körıp, är ısıme ūqyptylyqpen qaradym. Özımdı bıreuge kerek ekenımdı sezındım.
Anardy telebaǧdarlamalarǧa jiı şaqyrady
Anardy telebaǧdarlamalarǧa jiı şaqyrady / Foto avtordıkı
– Bız qorap jelımdedık, ony qūrastyrdyq, tasydyq. Aiyna 30 myŋ teŋge jalaqy aldym. Onyŋ özı ülken medeu. Būl baspahanada bes jyl jūmys ıstedım. Soŋǧy jyly jelımnıŋ, özge de boiaudyŋ isı men auyr jäşıkterdı köteru densaulyǧyma kerı äser ete bastady. Qūlşynysym azaia berdı. Bıraq "būl jūmystan ketsem menı kım alady?" degen oi boldy. Şydap, özımdı toqtatyp jürdım. Bıraq bärıbır densaulyq qymbat qoi, auyra bergen soŋ, üirenısıp qalǧan ortadan ketuge mäjbür boldym, – deidı Anar.

"Oiynşyq toqudy qalai bastadym?"

Qaitadan auruhana men üidıŋ ortasyndaǧy sabylǧan ömır bastalady. Oiynşyq toquǧa degen qyzyǧuşylyqtyŋ oianǧany da osy kez. Bırde internetten toqylǧan oiynşyqtardy körıp qalady. Qaitalap, jasap körmek bolady. Eŋ bırınşı toqyǧan oiynşyǧy – kerık. Ony özı külıp eske alady.
Ol oiynşyq toqudy bes jyl būryn bastady
Ol oiynşyq toqudy bes jyl būryn bastady / Foto avtordıkı
– Köŋıldı kerıktı toqyǧym kelgen, bıraq ūsqynsyz bolyp şyqty. Bır aiaǧy ūzyn, bır aiaǧy qysqa. Bıraq özıme sondai qatty ūnady. Tuys-tuǧandarǧa, tıptı körşılerıme deiın maqtanyp körsetıp şyqtym. Keiın qūrbylarymnyŋ tuǧan künderıne oiynşyq toqyp syiladym. İnstagram äleumettık jelısınen @anarik_komarik paraqşasyn aşyp, oiynşyqtarymnyŋ suretterın sonda jariialai bastadym. Olga Riabeva esımdı erıktı qyz maǧan köp kömektestı. Ol käsıpkerlerge, dostaryna menıŋ oiynşyqtarymdy jarnamalady. Solai aqyryndap tapsyrys tüse bastady. Keiın "İnstagramda" bıraz änşılerge özımnıŋ jaǧdaiymdy aityp, "paraqşaŋyzda jarnamalap berseŋız, sızge oiynşyq syiǧa tartamyn" dep ūsynys aityp, hat jazyp şyqtym, – deidı Anar.
Onyŋ oiynşyqtaryna Resei, Türkiia, Ündıstan, Afrika elderınen tapsyrys tüsken
Onyŋ oiynşyqtaryna Resei, Türkiia, Ündıstan, Afrika elderınen tapsyrys tüsken / Foto avtordıkı

"Nūrtas Adambai ūiymdastyrǧan auksionda quyrşaǧym 300 myŋǧa satyldy"

Änşılerdıŋ ışınen Anarǧa "Ringo" tobyndaǧy Daniiar Ötegen eŋ bırınşı bolyp jauap jazyp, tapsyrys jasapty. Üş kerık toqyp bergen eken. Ol kezde oiynşyqtardyŋ baǧasy – 1500 teŋge. – Basynda basqa oiynşyq joqtai, tek kerık toqi berıppın. Qazır olardyŋ türın köz aldyma elestetsem, külkım keledı. Öitkenı olar aiaǧyn nyq basyp tūra almaityn, tek jatatyn. Keiın Aiqyn Tölepbergenge multfilm keiıpkerın toqyp berdım.
Ol "İnstagram" äleumettık jelısı arqyly tanyldy
Ol "İnstagram" äleumettık jelısı arqyly tanyldy / Foto avtordıkı
Al Äsel Säduaqasova 300 myŋǧa oiynşyq toquǧa tapsyrys bergen. Qys boiy tek sonyŋ tapsyrysyn oryndadym. Bırde Nūrtas Adambai "Kelinka Sabinka" quyrşaǧyn toqyp berudı sūraǧan. Ol kezde auruhanada jatqan edım. Bas tartaiyn dep oiladym da, ol quyrşaq auksion arqyly satylatynyn, tüsken qarjynyŋ mügedek adamnyŋ emıne jūmsalatynyn estıp, kelıstım. Jartysyn auruhanada, jartysyn üide toqyp, bır aida bıtırıp berdım. Eŋbegımdı 15 myŋǧa baǧaladym. Auksionda ol quyrşaqtyŋ bastapqy baǧasy – 20 myŋ teŋge bolypty.
Anar oiynşyq toqudy özgelerge üiretkısı keledı. Tek şeberhanasy qala şetınde bolǧan soŋ, adamdar ızdep kele bermeidı
Anar oiynşyq toqudy özgelerge üiretkısı keledı. Tek şeberhanasy qala şetınde bolǧan soŋ, adamdar ızdep kele bermeidı / Foto avtordıkı
Üş künnıŋ ışınde baǧasy ösıp, 300 myŋǧa satylypty. Nūrtas Adambai sol qarjysyn qolyna ūstap, "auksionnan tüsken aqşany sızge bergım keldı" dep qaita kelıp tūr. Quandym, qatty riza boldym. Ol aqşaǧa şipajaida emdelıp, bıraz därı-därmegımdı aldym. Al "Reketir" filmıne tüsken Saiat İsembaev jarnamalaǧanda kelesı künı bırden 20 tapsyrys tüsken. Osylaişa oiynşyq toqu maǧan läzzat syilap ǧana qoimai, tabys közıne de ainaldy, – deidı Anar.
Ol oiynşyqtaryna ädemı aiaq kiım kigızgendı jaqsy köredı
Ol oiynşyqtaryna ädemı aiaq kiım kigızgendı jaqsy köredı / Foto avtordıkı

"Damu"-dan 3 million teŋge grant ūtyp aldym"

Anar oiynşyqqa tapsyrysty "Feisbuk" jäne "İnstagram" äleumettık jelısı arqyly alady. Bügınde "İnstagramda" 15 myŋnan astam jazyluşysy bar. Ol ärbır oiynşyqty bar ynta-yqylasymen toqidy. Jäne sapasyna asa qatty köŋıl böledı.
Ol oiynşyqtardy adamǧa tek quanyş, jylylyq syilaidy dep sanaidy
Ol oiynşyqtardy adamǧa tek quanyş, jylylyq syilaidy dep sanaidy / Foto avtordıkı
Sapaly iırılgen jıpke aqşany aiamaimyn. Sol sebeptı menıŋ oiynşyqtarymdy kır juu maşinasynda qoryqpai jua beruge bolady. Tüsı özgermeidı, tütılıp ketpeidı. Olardy ılmekpen toqimyn. Ol stil japondyq­tarǧa jaqsy tanys, amigurumi dep ata­lady. Sondai-aq, adamdarǧa jylylyq pen meiırım syilaityn, köŋıldı köteretın oiynşyqtar toqyǧym keledı. Keide menen qorqynyşty kino men multfilmderdegı keiıpkerlerdı toqudy ötınıp jatady. Ondai tapsyrystardan bas tartamyn. Oiynşyqtar tek quanyş syilau üşın kerek.
Oiynşyqtardan tüsken tabysty emı men qymbat därı-därmegıne jūmsaidy
Oiynşyqtardan tüsken tabysty emı men qymbat därı-därmegıne jūmsaidy / Foto avtordıkı
Eger tapsyrys jaqsy bolsa, aiyna 80 myŋdai aqşa tabamyn. Ony därı-därmegıme jūmsaimyn. Jekemenşık auruhanalarda em qabyldaǧandy jön köremın. Memlekettık auruhanalarda emdelu qiyn. Qaǧazdary köp. Jügırıp jinauyŋ kerek. Ony ötkızuıŋ kerek. Sosyn ailap kütuıŋ kerek. Al maǧan densaulyq qymbat. 2016 jyldyŋ jazynda "Damu" qorynan 3 million teŋge grant ūtyp alǧanmyn. Ol qarjyǧa üiımnıŋ qasynan şeberhana soǧyp, ışıne jihaz ben qajettı qūral-jabdyqtar aldyq.
Anar toqyǧan oiynşyqtarǧa toly söre
Anar toqyǧan oiynşyqtarǧa toly söre / Foto avtordıkı
– Qaladan säl alystau. Sol jaǧy qiyn. Endı qalanyŋ ışınen oiynşyq dükenı, şeberhana aşqym keledı. Sondai-aq, qasyma kömekşıler alyp, balalarǧa arnalǧan türlı kiımder toqityn edık. Ukrainada oiynşyq toqityn Svetlana Persova degen kısı bar. Özıme ülgı tūtamyn. Toquǧa qatysty sūraqtarymdy sol kısıden sūraimyn, – deidı Anar.

"Şetelderden tanymaityn adamdar jıp jıberıp tūrady"

– Negızı Astana, Almaty, Şymkent, Aqtau qalalarynan köp tapsyrys tüsedı. Resei, Türkiia, Ündıstan, Afrika elderınen de tapsyrys tüsken. Qazır köz­dı jūmyp qoiyp ta oiynşyq toqi beremın. Üirenıp ketkenmın. Ekınşıden toqyma közıme ziianyn tigızedı. Köz janarymdy saqtaǧym keledı. Me­­nıŋ oiyn­şyq­tarym­nyŋ baǧasy – 5-15 myŋ teŋge araly­ǧynda. Osy künge deiın şama­men 4 myŋ­dai quyr­şaq toqyǧan şyǧarmyn.
Ol közın jūmyp otyryp toqi beredı
Ol közın jūmyp otyryp toqi beredı / Foto avtordıkı
– Bılesız be, ömırde tanymasa da qol ūşyn sozatyn meiırımdı adamdar köp. Mysaly, Reseiden bır kısı "senıŋ oiynşyqtaryŋ qatty ūnady, bız saǧan jıp jıbereiık degenbız, meken-jaiyŋyzdy aitsaŋyz" dep, Feisbuk arqyly hat jazyp jıbergen. Bıraz kün ötken soŋ, poştadan "kelıp, alyp ketıŋız" degen habar keldı. Barsam, ülken ekı qorap. Işı men jer-köktı şarlap ızdep jürgen qymbat jıpterge tolyp tūr. Üige äreŋ jetkızgenmın. Taǧy bırde Germaniia men Fransiiadan bır qyzdar osyndai syi jasaǧan. Olar menı ömırınde körgen emes, bılmeidı. Osy qoldau qanat bıtırdı. Keiın oiynşyq toqyp, rizaşylyǧymdy bıldırıp, hat jıberdım.
Anarǧa Resei, Germaniia, Fransiia elderınen tanymaityn adamdar toqyma jıpterın jıberıp tūrady
Anarǧa Resei, Germaniia, Fransiia elderınen tanymaityn adamdar toqyma jıpterın jıberıp tūrady / Foto avtordıkı
Sosyn Almatyda ötken bır biznes leksiiaǧa qatysqan bolatynmyn. Ol jerde özımnıŋ oiynşyqtarym turaly aittym. Esımı elge belgılı käsıpker aǧa qandai qoldau kerek ekenın sūrady. Maǧan kölık kerek edı. Öitkenı, oiynşyqtarymdy qalanyŋ ışınde özım tasyǧym keletın. Kurerler keide uaqytynan keş jetkızedı. Nemese, tapsyrysty jetkızıp bermei tastaityn kezder bolady. Odan bölek, auruhanaǧa jiı baramyn. Kölık jürgızu kuälıgım de bar edı, tek aqşa jinai almai jürgenmın. Bıraz uaqyttan keiın käsıpker aǧa kölık tartu ettı. Bıraq özınıŋ aty-jönın atamaudy ötındı. Qazır sol kölıkpen jürmın. Ol kısıge Alla razy bolsyn, – deidı Anar.
Anarǧa aty-jönın atamaudy ötınıp, bır käsıpker kölık syilaǧan. Ol meiırımdı jandarǧa şeksız alǧys aitady
Anarǧa aty-jönın atamaudy ötınıp, bır käsıpker kölık syilaǧan. Ol meiırımdı jandarǧa şeksız alǧys aitady / Foto avtordıkı
Ol qol qusyryp qarap otyrǧysy joq. İnternetten onlain därıster qarap, şeberlıgın şyŋdap, bılımın jetıldıruge ūmtylady. Adamǧa köterıŋkı köŋıl syilap, meiırım şuaǧyn tögetın oiynşyq toqyp, ainalasyna jylulyq syilasam deidı. Därı-därmegı men tolassyz emıne özı aqşa tapqysy keledı. Sız ben bız, Anardyŋ oiynşyǧyn satyp alu arqyly oǧan kömektese alamyz. Bır-bırımızge quanyş syilaiyq.
Anar oiynşyqtaryna tapsyrysty "Feisbuk" jäne "İnstagram" äleumettık jelısı arqyly qabyldaidy
Anar oiynşyqtaryna tapsyrysty "Feisbuk" jäne "İnstagram" äleumettık jelısı arqyly qabyldaidy / Foto avtordıkı
informburo.kz
Pıkırler