Būl – teŋızdıŋ arǧy betınde bolǧan oqiǧa. Ony jetkızgen Qūlan auylynyŋ tūrǧyny, atbegı Meiılbek Begaziev edı.
Ekı qazaq jıgıtı seksenınşı jyldary Amerikaǧa jūmys saparymen barsa kerek. Sodan kafege toqtap tamaqtanyp, temekı tartyp tūrady. Kafemen ırgeles bır fermerdıŋ at qorasy bar eken, kenet ışınen bır tūlpar tulap, kısınei beredı. – Mynaǧan ne boldy? – deidı de, olar qoraǧa jaqyndaidy. Būlar jaqyndaǧan saiyn tūlpar typyrlap, bas jıbın tartqylyp yntyǧa tüstı. Esıkke tesıle qarap, qonaǧyn ūzaq kütken kısışe eleŋdeidı jaryqtyq. Jıgıtter jaqyndap, maŋdaiyna sipap edı, momaqan bola qaldy. Söitıp tūlpar tūmsyǧyn būryp, jıgıtterdıŋ qoly men jeŋınen iıskei berdı. İıskei tüsıp, sälem beruge iılgen kelındei basyn tömen saldy. Osy sätte jylqynyŋ janarynan jas parlap kettı. Myna jaǧdaiǧa tüsınbei abdyrap qalǧan olar dereu ketpek boldy. At taǧy tulap kettı. Osy kezde fermer de kele qaldy. – Sızder mūnda qaidan jürsızder? Jylqyǧa ne ıstep qoidyŋyzdar? – dedı de, jön sūrasty.
– Qazaqstannanbyz. Myna jylqy oqys qylyq körsetıp jatqan soŋ körgımız keldı. Bar-joǧy osy ǧana, – dedı jıgıtter.
– Tüsınıktı, – dedı fermer, – tūlpar Lugovoi jylqy zauytynan satyp alynǧan. Jerlesterın tanyp tūrǧan ǧoi!
O, toba deseŋşı, qazaqşa sözge elıp, tuǧan jerge degen saǧynyşyn basa almaǧan tūlpardyŋ küiı küizelıske tüstı. Sezımtal jaryqtyq-ai, net¬ken kielı edıŋ! Mūŋǧa toly bır tamşy jas jıgıtterdıŋ de jüregın eljıretıp jıberdı.
Q.QŪRBAN
