Búgin Aqparat jáne qoǵamdyq damý mınıstri Aqmola oblysynyń Zerendi aýdanynda “Jastar Akademııasy” aıasynda ótip jatqan “Ádiletti Qazaqstan - adal azamat” dıalogtyq alańyna qatysty.
Atalǵan is-sharaǵa Qazaqstannyń barlyq óńirinen kelgen 100-den astam jastar qyzmetkerleri úsh kún ishinde túrli trenıngterge qatysyp, ózara tájirıbe almasty. Bul týraly Darhan Qydyráli óziniń paraqshasynda jazdy.
Is-shara aıasynda ótken “Ádiletti Qazaqstan - adal azamat” atty jıynda Memlekettik qyzmet isteri agenttiginiń tóraǵasy Darhan Jazyqbaev, Aqmola oblysy ákiminiń birinshi orynbasary Eldos Ramazanov, “Amanat” partııasynyń atqarýshy hatshysy Dáýlet Káribek te sóz sóılep, jastarǵa paıdaly aqparattar berdi.
“Ózderińizge belgili, Memleket basshysy Túrkistandaǵy Ulttyq quryltaıda jastarymyz týǵan jerdiń eshkimge uqsamaıtyn ereksheligi men biregeı bolmysyn jer júzine tanytyp júrgenin erekshe atap ótkeni belgili. Sonymen qatar «Jas urpaq tarıh taǵylymyn jáne eldiń jarqyn bolashaqqa umtylysyn bir arnaǵa toǵystyryp jatyr. Osy serpilistiń qarqynyn saqtaı otyryp, ony kúsheıte túsý – memlekettiń mindeti» degen edi”, - dep jazdy mınıstr.
Bıyl «Memlekettik jastar saıasaty týraly» zań óz kúshine endi. Jastar sanaty 35 jasqa deıin ulǵaıdy. Qazir olardyń sany 6 mln-ǵa ósti. Zańdy iske asyrý úshin, 7 baǵyt jáne 80 is-sharalar keshenine qoljetkizýdi kózdeıtin 2029 jylǵa deıin arnalǵan Memlekettik jastar saıasatynyń tujyrymdamasy qabyldandy.
Aqparat jáne qoǵamdyq damý mınıstri “Parlament Májilisi men máslıhattarda jastar, áıelder jáne múgedektigi bar adamdar úshin 30% kvota engizildi jáne barlyq deńgeıdegi qoǵamdyq keńesterde jastar úshin 20% kvota engizý josparlanýda. Bunyń barlyǵy Memleket basshysynyń qamqorlyǵymen jastarǵa degen qamqorlyǵy dep túsingen abzal” dedi.
Ókinishke oraı, jastar arasyndaǵy ólim men sýııd jıilep tur. Sol sekildi jastardyń zań buzýy, nashaqorlyq, qarjy jóninen saýattyń az bolýy, jumyssyzdyq máselesi bar. Bul máselelerdi sheshý úshin naqty jumystar atqarylyp jatyr.
Jaqyn arada jastarmen jumys jónindegi mamandarǵa arnalǵan kásibı standarttar qabyldandy. Bul jumysty júıeleýge jáne JRO qyzmetkerlerin irikteýdiń naqty ólshemderin anyqtaýǵa múmkindik beredi.
Qazir jastarǵa arnalǵan Biryńǵaı ınteraktıvti aqparattyq-ıfrlyq platforma qurý josparlanyp otyr. Platformalar arqyly jastardy qoldaýdyń barlyq memlekettik sharalary týraly bilýge jáne belsendi qatysýǵa múmkindik bar. Platformada memlekettik baǵdarlamalar men jobalarǵa qatysýdyń naqty algorıtmderi jazylatyn bolady.
Mınıstr sońǵy jyldary elimizde kreatıvti ındýstrııa qarqyndy damyp keledi. Talantty jastarymyz ártúrli salada jarqyrap kórinip, jemisti eńbek etýde. Memleket basshysy da kreatıvti ındýstrııa salasyna jiti kóńil bólý kerek ekenin atap ótken edi. Sondyqtan bıyl Memlekettik «Daryn» jastar syılyǵyna alǵash ret «Kreatıvti qyzmet» nomınaııasy qosylyp otyrǵanyn atap ótti.
Dıalogtyq alań sońynda jastar kókeıindegi suraqtaryn qoıyp, jastar ortalyqtaryn kadrlyq daıarlaýdan ótkizý syndy usynystar jasady.
(s) QR AQDM baspasóz qyzmeti
"Adyrna" ulttyq portaly
