Birden aıtaıyn, Zelenskıı AQSh-tyń Ýkraınadan ketý týraly usynysynan bas tartyp, Kıev qorǵanysyn óz qolyna aldy. Ózge kloýn sanaıtyn Ze osylaısha tabandylyq tanytýda. Degenmen er eken.
Qazir basqynshylar Kıevten 35 shaqyrym jerdegi Vasılkov qalasyn basyp alýǵa tyrysýda. Sol arqyly qalany Batys taraptan tolyq buǵattaý maqsattary bar sııaqty. Vasılkovta Ýkraınanyń 40-brıgadasy urys júrgizýde. Olar qala ortalyǵynda jaý áskeriniń shabýylyn toıtaryp jatyr.
Ýkraına áskeri Kıevke 30 shaqyrym jerde jaý ushaǵyn qulatty. Alaıda basqynshylar 150 tikushaqpen Kıevke desant jetkizgen. Qazirgi ýaqytta qala kóshelerinde urys bolyp jatyr.
Ýkraına PVO-sy Odessa, Harkov, Kıevte jumys isteýde. Kıevte dáp qazir saǵat 05:55. Túni boıy urys boldy, al búgin Ýkraınany uzaq ta qıyn, aýyr urystar kútip tur deýge bolady. Basqynshylarǵa qarsy kúreste Ýkraına áskeri tabandylyq tanytýda. Jaý áskeri de fızıkalyq turǵydan (uıyqtamaý) sharshady jáne moraldyq turǵydan da syna bastady dep oılaımyn. Sebebi birinshi kúni Kıevti basyp alamyz degen josparlary iske aspady, shyǵyndary kóp.
Jaý úsh kúnde birde-bir qalany basyp ala almady. Reseıge 40 shaqyrym jerdegi Harkov te, 20 shaqyrym jerdegi Sýmy qalasy da áli berilgen joq. Basqynshylar qansha talpynsa da, qoldarynan keler emes.
"Adyrna" ulttyq portaly
