Qaraǧandy oblysynda jaŋa auqymdy bastama – «Kıtap oqityn ūlt» jobasy ıske qosyldy. Jobaǧa mektep oquşylary, studentter, pedagogtar, otbasylyq äuletter jäne memlekettık qyzmetşıler qatysady. Alty ai ışınde qatysuşylar 15 kıtap oquy tiıs. Eŋ üzdıkterı aqşalai syilyqtarǧa, sertifikattarǧa jäne medaldarǧa ie bolady. Būl turaly Qaraǧandyda ötken bılım salasy qyzmetkerlerınıŋ tamyz konferensiiasynda habarlandy.
– Basty maqsatymyz – qazaqstandyqtardyŋ kıtap oqu deŋgeiın jylyna kemınde 10 kıtapqa jetkızu. Baiqau arqyly bız oquǧa degen qyzyǧuşylyqty arttyryp qana qoimai, kıtapty mektep kezınen bastap tūraqty ädetke ainaldyrudy közdep otyrmyz, – dedı «Kıtap oqityn ūlt – Chitaiuşaia nasiia» qorynyŋ atqaruşy direktory Aian Saqoşev.
Baiqau qyrküiek aiynda bastalyp, onyŋ qorytyndysy 2026 jyldyŋ nauryz aiynyŋ soŋynda şyǧarylady.
Qaraǧandy oblysynyŋ äkımı Ermaǧanbet Bölekpaev oqyrmandyq mädeniettı damytu öŋırdıŋ basty basymdyqtarynyŋ bırı ekenın atap ötıp, jobany kıdırıssız jüzege asyru qajettıgın aitty.
– Memleket basşysy Qasym-Jomart Toqaev oqu mädenietın qalyptastyrudy ūlttyŋ progressivtı oilau jüiesınıŋ negızı dep baǧalady. Sondyqtan «Kıtap oqityn ūlt» jobasyn tolyq qoldap, kıtaphana qyzmetın jetıldıru, oquşylardy, pedagogtardy jäne ata-analardy kıtap oquǧa keŋınen tartu maŋyzdy, – dedı Ermaǧanbet Bölekpaev.
