Qaraǧandy oblysy «Taza Qazaqstan – bolaşaq üşın» respublikalyq ekologiialyq aksiiasyna qosyldy. Auqymdy ıs-şara Qazaqstan Respublikasy Käsıpodaqtar federasiiasynyŋ bastamasymen el kölemınde ötkızıldı.
Ol käsıpodaq qozǧalysynyŋ 120 jyldyǧy men Federasiianyŋ qūrylǧanyna 35 jyl toluyna orai ūiymdastyryldy.
Qaraǧandy oblysynyŋ qalalary men audandarynda federasiia qūramyndaǧy 15 salalyq jäne jergılıktı käsıpodaq ūiymdarynyŋ eŋbek ūjymdary aulalardy, saiabaqtardy, qoǧamdyq oryndardy tazalap, kögaldandyru jūmystarymen ainalysty.
– Negızgı maqsat – ekologiialyq jaǧdaidy jaqsartu, aumaqtardy abattandyru jäne tabiǧatqa ūqypty qarau mädenietın qalyptastyru, – dedı QR Käsıpodaqtar federasiiasynyŋ «Qaraǧandy oblysynyŋ käsıpodaq ortalyǧy» aumaqtyq bırlestıgınıŋ töraǧasy Bolat Jūmabekov. – Bügın bız käsıpodaqtar tek qana jūmyskerlerdıŋ qūqyqtaryn qorǧauǧa emes, eldıŋ äleumettık igılıgıne de üles qosatynyn atap ötkımız keldı.
Qaraǧandydaǧy ekoaksiianyŋ negızgı alaŋy Eŋbek gigienasy jäne käsıbi aurular ūlttyq ortalyǧy boldy. Mūnda 80-nen astam adam 1,7 gektar aumaqta tazalyq jūmystaryn jürgızdı. Däl osy ortalyqqa respublikalyq märtebe Käsıpodaqtar federasiiasynyŋ bastamasymen qaitarylǧan bolatyn. Ekoaksiiaǧa öŋırdegı käsıpodaq belsendılerı men ortalyqtyŋ eŋbek ūjymy qatysty.
