Bügın – bar qazaqtyŋ jüregınde "Men – qazaqpyn" dep jattalyp qalǧan, ırı epik aqyn, Memlekettık syilyqtyŋ laureaty (1978), Qazaqstannyŋ Halyq jazuşysy (1985) Jūban Moldaǧalievtıŋ tuǧanyna 105 jyl toldy, dep habarlaidy “Adyrna”.
Jūban Moldaǧaliev – Oral oblysynyŋ Aqjaiyq audanynda tuǧan. Oral auyl şaruaşylyǧy tehnikumyn bıtırgen. 1940-1947 jyldary äsker qatarynda bolǧan. Ekınşı düniejüzılık soǧysqa qatysqan.
1948-1952 jyldary — «Leninşıl jas» gazetınde bölım meŋgeruşısı, jauapty hatşy, redaktordyŋ orynbasary.
1952-1954 jyldary — Qazaqstan Jazuşylar odaǧynda ädebi keŋesşı.
1955-1956 jyldary — «Qazaq ädebietı» gazetı redaktorynyŋ orynbasary.
1957-1963 jyldary — «Jūldyz» jurnalynyŋ bas redaktory.
1963-1971 jyldary — Qazaqstan Jazuşylar odaǧy basqarmasynyŋ hatşysy.
1973-1983 jyldary — KSRO Jazuşylar basqarmasynyŋ hatşysy.
1979-1983 jyldary — Qazaqstan Jazuşylar odaǧynyŋ bırınşı hatşysy qyzmetterın atqarǧan.
1983-1988 jyldary — şyǧarmaşylyq jūmyspen ainalysty.
Alǧaşqy öleŋı Oral oblystyq «Komsomol ūrpaǧy» gazetınde 1939 jyly basylǧan. 1949 jyly «Jeŋıs jyrlary» degen atpen tūŋǧyş öleŋder jinaǧy şyqqan. Sodan bergı jyldar ışınde «Nūrly jol», «Jyr turaly jyr», «Ǧaşyq közben», «Zaman tynysy», «Baiqoŋyr baspaldaqtary», t. b. barlyǧy 60-tan astam kıtaby, är kezeŋde qazaq, orys tılderınde taŋdamaly şyǧarmalarynyŋ bır tomdyǧy, qos tomdyǧy, üş tomdyǧy jaryq kördı.
Jūban Moldaǧalievtıŋ eŋ tanymal şyǧarmalarynyŋ bırı «Men — qazaqpyn» poemasy 1964 jyly jaryq körgen. Özı dünieden ötkennen keiın şyǧarmalarynyŋ ekı tomdyǧy şyqty. 1970 jyly «Kısen aşqan» poemasy üşın Qazaq KSR Memlekettık syilyǧyna, 1978 jyly «Qyran dala» jäne «Sel» poemalary üşın KSRO Memlekettık syilyǧyna ie boldy. KSRO Qorǧanys ministrlıgı syilyǧynyŋ laureaty jäne A.Fadeev atyndaǧy altyn medaldıŋ iegerı. Köptegen şyǧarmalary aǧylşyn, nemıs, fransuz, poliak, ispan, vengr, arab, moŋǧol, slovak jäne basqa da tılderge audarylǧan.
Lenin ordenımen, ekı ret Eŋbek Qyzyl Tu, ekı ret II därejelı Otan soǧysy, «Qūrmet belgısı» ordenderımen, bırneşe medaldarmen marapattalǧan. 1985 jyly «Qazaq KSR Halyq jazuşysy» qūrmettı ataǧy berıldı.
Aqynnyŋ 1986 jyly Jeltoqsan oqiǧasynan keiın eldıŋ jaŋa basşylyǧy aldynda, alaŋǧa şyqqan jastardy jaqtap söileuı onyŋ märtebesın asyra tüstı.
