Türkıstanda «Oilan, tap» intellektualdyq oiyny öttı

Qazaqstan Respublikasynyŋ Konstitusiiasynyŋ 30 jyldyq merekesı jäne «18 qazan – Ruhani kelısım künıne» orai oblystyq dın ısterı basqarmasynyŋ ūiymdastyruymen «Oilan, tap» intellektualdy oiyny öttı. Şaranyŋ basty maqsaty – jastardyŋ bılımın şyŋdau, ūlttyq qūndylyqtarǧa, tarih pen mädenietke degen qyzyǧuşylyǧyn arttyru, sondai-aq özara syilastyq pen bırlıktı nasihattau.

Oblys äkımınıŋ orynbasary Ertai Altaev şaraǧa arnaiy qatysyp, «Ruhani kelısım künımen» qūttyqtap, jüldegerler men jeŋımpazdardy marapattady.

– İntellektualdy saiys qatysuşylardyŋ ziiatkerlık äleuetın arttyryp, şyǧarmaşylyq oilau qabıletın damytyp qana qoimai, olardyŋ otansüigıştık sezımın, ūjymdyq ruhyn arttyrady. Sonymen qatar, qatysuşylar özara täjıribe almasyp, jaŋa serıktestık jäne dostyq bailanystar ornatady, – dedı Ertai Kenjebekūly. 

Saiys üş kezeŋnen tūrdy. Sūraqtar elımızdıŋ jäne Türkıstan oblysynyŋ tarihy, ädebiet, ūlttyq salt-dästürler, dın salasyndaǧy zaŋnamalar jäne sport taqyryptaryn qamtydy. Qatysuşylardyŋ bılımı men tapqyrlyǧyn käsıbi ädılqazylar alqasy baǧalady. Qazylar alqasy qatarynda telogiia jäne filosofiia ǧylymdarynyŋ doktory, professor Dosai Kenjetai, bılıktı dın qyzmetkerı Aidos Ospanov jäne oblystyq dın ısterı basqarmasynyŋ basşysy Rüstem Sabyrjanūly boldy.

Tartysqa toly ötken intellektualdy saiystyŋ jeŋımpazy – 500 000 teŋgenı Otyrar audanynyŋ qūrama komandasy jeŋıp aldy. Jüldelı II oryndy Sairam audany (250 000 teŋge) jäne «Dın mäselelerın zertteu ortalyǧy» KMM komandalary (250 000 teŋge) alsa, üşınşı oryn Ordabasy (150 000 teŋge) jäne Tölebi audandaryna (150 000 teŋge) būiyrdy.

Sonymen qatar, barlyq qatysuşylarǧa yntalandyru syilyqtary men alǧys hattar tabystaldy. Qatysuşy komandalar arasynda ūlttyq naqyştaǧy kiım ülgılerımen erekşelengen Jetısai, Saryaǧaş, Sozaq audandarynyŋ jäne «Balabi qari» qūran jattau ortalyǧynyŋ qūramalary körermen közaiymy nominasiiasyna, qarjylai syilyqtarǧa ie boldy.

Aita ketsek, intelektualdy oiynǧa oblystyŋ barlyq audan, qalalarynan ışkı saiasat bölımderınıŋ qyzmetkerlerı, «Ruhaniiat» ortalyqtarynyŋ ökılderı, jastar resurstyq ortalyqtarynda qyzmet atqaratyn teolog mamandar, dın qyzmetkerlerı jäne medrese-kolledj ūstazdary qatysty.